周永恒緩刑 揭阿Yu瘡疤
【恒Yu家暴之傷口灑鹽】
去年周永恒在太太趙頌茹（阿Yu）娘家搗亂，被控普通襲擊罪成，案件昨在屯門裁判法院宣判，周永恒被判監兩個月，緩刑十八個月。判前周永恒表現斯文有禮，豈料宣判後，毋須坐監的他態度逆轉，變得囂張無情，更重提阿Yu兒時被性侵一事！
周永恒涉去年九月二十三日晚，到趙頌茹的屯門娘家住所大吵大鬧，以WhatsApp恐嚇殺死妻兒及自殺，結果以涉嫌刑事恐嚇被捕。周永恒上月在屯門裁判法院承認普通襲擊罪，案件昨在屯門法院宣判，他被裁定罪成判監兩個月，緩刑十八個月。
昨晨九時，周永恒在父母及親友陪同下抵達法院聽審，步入法庭前，周永恒一臉誠懇表示感到後悔，亦有自我反省，提到阿Yu和兩個女，他說：「掛住兩個女，好耐冇見，想見佢哋，成日發夢見到佢哋。」全程表現得斯文有禮。不過，當判刑後得知毋須坐監，周永恒離開時竟忽然變臉，接受訪問時更囂張說：「乜嘢判決都滿意，你哋（指傳媒）一早都判咗我！」是否鬆一口氣？他說：「𠵱家起碼出到境，做得番嘢。」他再次提及要見兩個女：「一路法庭都冇禁制我，不過自己希望透過社工及合法途徑搵番兩個女囉！」
【10:50am 返家笑騎騎】
■周永恒忽然重提阿Yu小時遭性侵事件，返抵家後更笑臉迎人。
【9:00am 判前嚴肅】
■昨早上庭聽取宣判前，周永恒態度嚴肅有禮，還對自己行為感到後悔。
【10:30am 判後輕佻】
■周媽媽獲悉兒子周永恒不需坐監後，開心得蹺實兒子臂彎。
「仲好愛老婆」
問會否找阿Yu時，周永恒的態度變得更惡劣說：「唔敢搵，我驚又俾差人拉！」他強調自己沒有向外母吐口水和恐嚇，亦不會直接找阿Yu。轉頭周永恒竟主動重提阿Yu在四、五歲時遭親戚性侵犯一事，他說：「外母話我向佢吐口水，我想講阿Yu細個嗰陣有啲案件，希望佢都正視，會去報警，既然佢會將家事訴諸法律嘅話，希望佢會處理番件事。」擺明在阿Yu傷口灑鹽！記者問他會否跟阿Yu離婚？周永恒說：「感情嘢唔講住。我仲好愛佢，知自己犯咗大錯，自己原諒唔到自己，希望佢生活得開心。」
提到小三劉依靜（Ruby），他不屑說：「渲染力又嚟囉，我做咗咁多集男主角，都想唞吓。」有記者最後問周永恒日後會否多做點好事，他頓時語塞，然後說：「呢件事我係有缺失，但我唔差囉。」之後他與家人離開法院，坐的士返抵天水圍寓所。
■阿Yu昨被發現如常照顧女兒，她表示尊重法庭對周永恒判決。互聯網圖片
■周永恒去年因踩上外母（右）寓所搗亂而被捕。資料圖片
阿Yu：身教兩女
阿Yu昨在電話中被問到是否滿意判決時說：「我非常尊重法庭嘅判決，呢件事發生到𠵱家，都勞煩咗好多人，包括有警方、執法人員、社工、記者朋友同埋我哋屋企人，我衷心希望今次係一個完結。喺呢件事上，我學懂作為一個成年人，一個父母，點樣用身教教好一個小朋友幾咁重要，希望二○一五年有一個新開始。」對於周永恒重提阿Yu兒時被性侵事件，阿Yu經理人Kitty暗寸周永恒說：「阿Yu以前嘅傷口已經被神撫平咗、醫治咗，所以已經冇傷口，如果佢（周永恒）鍾意用咁嘅方式，去令自己好過啲嘅話，我係可以理解嘅，但如果作為一個正常嘅父母，應該只會想事件盡快結束，好好為下一代嘅生活建立好榜樣！」
採訪、攝影：文國駿、皓騫、吳耀輝、沈健程、李志明
|
鍾意就快D Share啦！
|
|
|