掃呢頁CODE去手機

2015年2月12日 星期四

[壹週刊 - 1301] 葉蒨文請中佬食口水尾 葉蒨文,M1,






葉蒨文已經咬咗一半(黃圈),中佬伸隻手出嚟要,葉蒨文諗都唔諗,就將手上嗰一半俾對方放入口。

同你吟一吟

葉蒨文請中佬食口水尾

同老婆葉蒨文關係撲朔迷離嘅阿 Lam林子祥,近年身邊多咗個年紀細佢一截嘅紅顏知己 Fiona,就連生日都同對方一齊過,至於葉蒨文更強,身邊除咗多年輕壯男,早排《壹》仔仲見到有個講廣東話嘅中佬,陪佢行超市。

睇嚟真係好好食,葉蒨文有幫襯。

喺圓方超市行過見有賀年食品攤位有得試食,葉蒨文唔客氣,食完一粒又一粒,仲將已經放入口咬咗一半嘅,就咁遞俾中佬食埋佢,葉蒨文試食完買咗幾盒走,由中佬埋單。

流感死咁多人,兩位咁都唔驚照食口水尾,牙煙啲喎!



有中佬陪行陪食幫埋單,兩個關係好好。

以往葉蒨文身邊異性多數都係英文人,但同呢位中佬全程廣東話交流。

經常傳婚姻有問題嘅阿 Lam、葉蒨文,近年已經由分房瞓發展成樓上樓下鄰居。

葉蒨文朋友多,林子祥最近都多咗位紅顏知己,呢位 Fiona 03年曾經同船王包玉剛前女婿、董建華競選辦公室主任鄭維健拍過拖。

鍾意就快D Share啦!