2015年2月14日星期六

索爆姊妹團現身香香苟姑娘鍾嘉欣BB靚到暈苟姑娘,岑麗香,香香,鍾嘉欣,嘉欣,苟芸慧,

【祖藍娶亞男】索爆姊妹團現身香香苟姑娘鍾嘉欣BB靚到暈

2015-02-14 12:33:00

採訪、攝影：藍文浩、仇志德、卓振輝

嚟喇嚟喇!大個仔係佢嘅王祖藍，同索爆李亞男嘅甜蜜婚禮，就快舉行喇!婚禮於九龍城浸信會教堂舉行。十二點左右，已有半百傳媒在教堂外守候，門外以粉紅及白色花花佈置，裡面仲有巨幅祖藍同亞男嘅浪漫結婚相，至於兄弟團方面，郭晉安、林盛斌同張繼聰亦一早已抵達，擺出型仔甫士任影。

至近十二時半左右，身穿銀灰色裙嘅姊妹團亦坐小巴抵達教堂，因為太多傳媒，故擾攘近五分鐘左右先至成功落車。姊妹團包括苟芸慧、朱璇、陳美詩、鍾嘉欣、宋熙年、王君馨、岑麗香等等，最靚嘅花旦喺齊度！