掃呢頁CODE去手機

2015年2月4日 星期三

[FACE - 402] 襯唔襯 為仔停學 男友 Michael大起底 𠝹手齊昕:我欠佢好多 齊昕,梁齊昕,MF,




梁齊昕同男友 Michael去海洋公園餵海豚,男方輕攬齊昕條腰,好溫馨!

網上圖片

真面目

襯唔襯 為仔停學 男友 Michael大起底 𠝹手齊昕:我欠佢好多

23歲梁齊昕近日人氣同民望,比特首父親梁振英高幾條街,尤其早前接受有線電視訪問的片段出街後,更被網友大讚有烈女風範!

曾經𠝹過手的烈女齊昕不怕死,不過對住男友又係另一回事。本刊發現齊昕 13年開始與大學同學 Michael Fong(方海鍵)拍拖,兩人同在英國倫敦政治經濟學院讀書,男讀經濟女讀法律,十分合襯。齊昕仲曾公開多張拍拖 sweet相,又在 fb留言冧男友,話「佢為我作出好大犧牲,我欠佢好多!」夠唔夠你𠝹手犧牲大?








現年 23歲的特首大女梁齊昕, 10年開始在英國名校倫敦政治經濟學院(LSE)讀法律,但去年突然停學回港,表面上是想停一停諗一諗是否適合做律師,實際上是為了陪伴由英國回港工作的男友。

Sweet抱海豚

齊昕呢個好 pure好 true嘅笑容,真係激罕!大家想唔想做呢隻海豚?

男友畢業返港,齊昕不惜停學 1年返港瘟仔,仲有意入娛圈發展,唔做律師,肯定激死 689同齊昕母親!

畢業返港做 trainee

梁齊昕與男友 Michael Fong(方海鍵)是 LSE同學,兩人同樣是 10年入學,但修讀經濟的 Michael比齊昕早 1年畢業,現時已回港工作,今年 1月開始在專做保險及投資等業務的 Principal信安做 trainee。

齊昕曾經講過父母好著重自己朋友的背景同身份,何況是男朋友,由於 Michael現在只是基層員工(唔知有冇$14,000月薪?),所以齊昕未敢高調公開戀情,只在 fb放上拍拖照與朋友分享,擺明博連 fb都唔知係乜的 689睇唔到!

送花慶生

13年 9月齊昕 22歲生日, Michael攬實齊昕貼面合照。

網上圖片

除咗訂定法國餐廳搞 party, Michael仲送埋花,冧到齊昕變咗梁四萬!

網上圖片

14年 9月, Michael再次為女友慶生,齊昕事後喺 fb留言讚男友為佢付出咗好多!

「多謝呢個男人!」

13年齊昕生日, Michael為女友搞 party,又送花又送蛋糕,氹到齊昕勁開心;去年 6月齊昕𠝹手疑似割脈自殘,有傳是當時與 Michael鬧交,一時情緒激動所致。

不過後來兩人和好如初, Michael 9月時繼續同女友慶祝生日,仲頭貼頭合照,齊昕忍唔住公開留言多謝男友,「我要多謝呢個男人,佢為我作出好大犧牲,我欠佢好多!」更一度以兩人合照做 fb的 profile pic,可見齊昕有幾愛 Michael。自稱生活非常平民化的齊昕,拍拖期間會去海洋公園,兩人一齊餵海豚,化了淡妝的齊昕笑得極滿足,與其惹火 smoky eyes潑辣形象有強烈對比,果然在男友面前立即變成小綿羊!

齊陰愛波牛

齊昕男友 Michael(方海鍵)係大學足球隊員,身形高大,咁啱齊昕本身好鍾意德國隊門將紐亞,呢對小情侶平時一齊睇波當拍拖節目,好過睇 689讀施政報告

網上圖片

Michael熱愛足球,讀大學時曾經組隊踢波,而齊昕亦鍾意睇波,好啱 key!

網上圖片

Michael的 ig仍然用緊兩人合照做頭像,你睇齊昕仲撫摸男友腹肌!

上年 6月,齊昕突然喺 fb貼了兩張血淋淋𠝹手相,即時引起傳媒關注。

網上圖片

網上圖片

齊昕𠝹手後冇幾耐, 689夫婦急飛英國做大龍鳳補鑊。

網上圖片

男友疑似黃絲

齊昕早前接受雜誌訪問時,表示自己拍過 2次拖,對方都係香港人,不過暫時未遇到真心鍾意的人。聽落似暗示自己現時單身,不過 Michael的 Instagram profile pic,依然是自己半裸與齊昕度假時影的攬到實合照,似乎兩人仍是情侶。

拍拖 2年感情穩定,但 Michael出身小康,加上疑似是黃絲,在 fb更 follow學聯副秘書長岑敖暉 fan page,雖然齊昕多次強調自己對任何事都抱開放態度,不過唔知 689見到 Michael撐佔中,會唔會唔俾佢入門做女婿呢?

31/1消失即日復活

被封口的齊昕,上週六( 31日)一個人喺中環行街,見到記者採訪都唔敢答任何問題。

邊行邊講電話的齊昕,衣着相當 casual,與早前出席時裝騷的女鬼 look有好多分別!

一向活躍於社交網站的齊昕,上週六忽然被接管 fb戶口,有人留了一段聲明,指齊昕會離港,又話唔再接受「生人」(陌生人)的採訪邀請,但同時仍在 ig繼續出 post(小圖),明恰父母唔識 ig!

齊昕被消失當日,有網友即刻搞了個「釋放梁齊陰」群組,多達 4千多人讚好。

2/2

fb被封後兩日,齊昕突然現身,更貼了一張 chok爆嘟嘴相,寫上「 Be Yourself」!

梁振英週日( 1日)同老婆唐青儀晚飯,未見齊昕同行。

《蘋果日報》圖片

上有線飾物勁誇  Nel Nel撐:唔好吹毛求疵!

齊昕上有線接受訪問,戴到好似結婚咁成手飾物,睇落好浮誇,不過 Nel Nel就覺得好後生,「好多鬼妹仔都鍾意戴到成手嘢,戴好 chunky嘅飾物,而佢條 one-piece又好簡單,成個造型都配搭得唔錯,唔會好古靈精怪!」至於個女鬼 ball后 look(前頁), Nel Nel就話好老積,「套衫比較成熟,雖然成件事老積咗,但就冇出錯,如果條裙短番少少,成個比例就會啱佢身形多啲!同埋對鞋可以有特色啲,成件事就會 fashion好多!大家唔好對佢咁吹毛求疵,佢畢竟係一個後生女咋!」

齊昕手上的飾物,真係多到 10隻手指都數唔晒!

電視畫面

電視畫面

《蘋果日報》圖片

鍾意就快D Share啦!