全城熱爆的娛樂八封新聞 & 時事趣聞 & 生活 + 趣聞
Suki呢日出席海洋保育活動，戴咗隻閃爆鑽戒出現，同大會件衫襯到呢。
大台班姐仔為爭上位，成日搞是搞非，媽咪姐就覺得徐淑敏（ Suki）最識諗，你有你哋爭，佢就一早嫁人，仲生咗 3個女，過住幸福少奶奶生活。
星期日，三月八日婦女節， Suki仲出席由海洋公園保育基金主席、陳佐洱女兒陳晴發起嘅「生態保衞賽」慈善跑。佢除咗積極支持及提倡保育意識外，亦同媽咪姐講嚟緊會搞多樣生意，之前做開嘅護膚品叫做上咗軌道，依家會喺網上賣埋衫。聽佢講完，媽咪姐都好佩服佢咁有諗頭同時間。你知啦，湊住 3個小朋友已經好費精力，仲要睇住盤生意，真係少啲體力都搞唔掂呀！
閃爆黃鑽
話晒生咗 3個女， Suki真係好有愛心，見到有小 fans埋去，主動踎低影相。
唔只 Suki愛保育嘅，（左起）有咗 5個月嘅 Cara G.，全國港澳研究會會長陳佐洱女兒陳晴同乒乓球名將張怡寧都好關心海洋生態發展㗎！
靚媽做 model身為老闆娘嘅 Suki，梗係要親力親為，反正要搵人示範，不如自己做埋 model，效果仲好。
上個月， Suki同老公黃浩一家五口去咗新加坡同台灣旅行，佢話要同時湊住 3個小朋友好攰，不過玩得好開心。
女人唔可以懶，睇吓 Suki點教對寶貝女就知幾歲人仔就同媽咪去修甲，呢啲親子樂，好浪漫呀！
