掃呢頁CODE去手機

2015年3月10日 星期二

44歲蘇慧倫陀B身型暴脹 蘇慧倫,




【短片】【女神變師奶】44歲蘇慧倫陀B身型暴脹

2015-03-10 07:30:00



其他影片:>>






【女神變師奶】44歲蘇慧倫陀B身型暴脹

四十四歲嘅台灣玉女歌手蘇慧倫上年三月嫁畀商人孫益民(Jimmy)後,7月去完歐洲度蜜月返嚟就有咗BB,預計5月頭生得,前日佢陀住8個月大巨肚同路嘉怡兩公婆喺台北歎下午茶,陀B嘅佢完全走樣,身型暴脹,女神變成肥師奶,幾乎認唔出係佢,佢老公同前妻所生嘅女都喺度,繼女初時都幾佻皮,但作為小媽嘅蘇慧倫眼矋一矋,囡囡即刻變乖,証明蘇慧倫管教有方。

一班人傾到夜晚7點先走,蘇慧倫同路嘉怡走時腳步放緩,留喺後排傾到雞啄唔斷,不過落樓梯時大肚婆好小心,路嘉怡都有喺旁邊扶住佢落樓梯,從側面睇佢凸起嘅巨肚相當明顯,送路嘉怡上車後,佢就獨自返歸。

蘇慧倫噚日又自己開車出街買水煎包,佢經理人話蘇慧倫懷孕4個月時經常嘔,依家先回復食慾,佢聽醫生建議會多做運動,有一晚佢10點幾話想食生蠔,但因太夜買唔到先至肯放棄。



(台灣蘋果日報圖片)



蘇慧倫陀住8個月大肚....個樣....勉強認得。 (台灣蘋果日報圖片)



佢經理人話佢陀B 4個月時冇乜胃口,o依家先好返啲。 (台灣蘋果日報圖片)



(台灣蘋果日報圖片)

鍾意就快D Share啦!