2015年3月30日 星期一

67歲姜大偉拍劇心臟不適連夜急送院 姜大偉,



美大偉噚晚拍緊劇集《公公出宮》嘅時候,突然出現心臟不適情況,立即停工到醫院作檢查。

next 1/1 pre

留院一晚接受觀察的姜大偉透露身體已無大礙。

next 1/1 pre

女婿曹永廉話當時聽到外父姜大偉拍拍吓劇話心好翳,諗起佢做過「通波仔」,所以都係小心啲送院檢查。

next 1/1 pre

在劇中飾演姜大偉女兒的林夏薇話當時聽到消息大家都好緊張,即刻停工送佢入醫院。

next 1/1 pre

前一晚姜大偉與一班同劇演員齊齊開飯,並無異樣。

next 1/1 pre

監製羅永賢表示會改動通告,等姜大偉先休息完之後繼續開工。

next 1/1 pre

現年67歲的姜大偉(John哥)前晚拍攝無綫劇集《公公出宮》期間,突然感到心臟不適,同場黎耀祥、陳國邦、胡定欣、唐詩詠、林夏薇及女婿曹永廉等,見狀即時停止拍攝,曹永廉鑑於外父數年前曾接受俗稱「通波仔」的冠狀動脈介入手術,更加不敢怠慢,即時陪外父到將軍澳醫院接受檢查。

做過「通波仔」要小心

姜大偉留院一晚,並無大礙,昨已出院,他昨傍晚時分接受本報電話訪問表示:「Check咗個心,報告話冇乜事,聽日(即今日)會再睇埋家庭醫生,始終做過『通波仔』,就算身體感覺冇乜嘢,都想穩陣啲。(拍劇捱夜辛苦?)都唔算,一日一組通告,十個鐘啫,我仲好多時係返嚟拍兩三場就走,工作量唔算辛苦。」

曹永廉昨在電話憶述事發經過說:「當時見外父話個心好翳,醒起佢早幾年做過『通波仔』,我咪即刻陪佢去醫院檢查,驗身、驗血話佢身體冇大礙,我至安心。」劇中飾演John哥女兒的林夏薇說:「John哥拍拍吓話個心唔舒服,大家好緊張,即刻停拍,後尾阿廉送咗佢入院檢查。因為我今日(即昨日)開外景,我都係打畀阿廉問番John哥情況,知道佢休息緊,就唔騷擾佢住。」

監製羅永賢則謂會調動通告讓John哥休息,他說:「我哋暫時停拍John哥戲份,等佢睇埋家庭醫生先,後日至開工。(佢工作量過大?)佢角色好重要,大部分群戲佢都有份,我哋呢排都係廠景,一日一組,不過老人家身體唔舒服應該正視。」

鍾意就快D Share啦!
Related Posts Plugin for WordPress, Blogger...