掃呢頁CODE去手機

2015年3月7日 星期六

松岡攝入Alex全家福林門差一腳 松岡,




林德信(Alex)與松岡李那多次斷正仍不認拍拖,雖然情路曾現暗湧,但前晚Alex為母親吳正元舉行驚喜生日Party,松岡低調笠罩出席影林家合照,難怪被指融入林家中時開心喪笑!當日除了是Alex與母親的農曆生日,更是妹妹的西曆生日,Alex的公公及April的女兒都有出席,四代同堂!

松岡戴上口罩出席林德信、其母及其妹的生日派對,儼如林家一分子!

前日是林德信(Alex)與母親吳正元(Virginia)的農曆生日,以及其妹April的西曆生日,昨日則是Alex的西曆30歲生日,難得三喜臨門,Alex與阿姨吳重重(Maggie)「打龍通」搞Surprise Party慶生,被傳與Alex拍拖的日模松岡李那原來已融入家中,是派對的座上客,更有份影「林家」合照!

行「奶奶」政策

Alex與松岡拍拖已是公開的秘密,雖然上月初被爆與長腿索女在中環密會,但無損兩人感情!記者問到松岡出席Party的事,她驚訝地說:「咁低調都有人知!(點解戴口罩?)我傷風咳加上剝咗牙面腫,唔舒服呀!」她又稱為Alex及林母分別送上銀包和帽子,並指現場氣氛很好:「我自己香港冇親人,喺Party感到愛同溫暖!尋日係Alex正日,前晚都有為佢倒數!」而Virginia是出名的瑜伽導師,松岡笑言兩人有一起做瑜伽。被指已融入Alex家中,松岡即大笑,又大讚「未來奶奶」:「佢好聰明又有智慧,已經見過佢好多次,佢係好健談同有趣嘅人,我喺佢身上學到好多嘢!」不過她笑言林母未有向她催婚!派對現場有Live Band,布景板除了有三位壽星的英文名外,更有心思地貼上Alex與April小時候的合照,三母子一人一個生日蛋糕。

壽星仔「舞」刀

唱生日歌時Alex更開心舉刀起舞,Virginia亦在Facebook上傳切蛋糕相片,Alex和April更輪流錫母親面珠大晒溫馨!冧爆的她用英文留言多謝大家祝福。

Alex阿姨Maggie受訪時說:「前日係Virginia同Alex農曆生日,April西曆生日,個Surprise Party係Alex同我搞嘅!一家人好開心!家姐唔擅長表達感情,佢都估唔到,到場見到過百嘉賓,雖然都表現得好Cool,但都好開心!」問到松岡何時正式成為他們的一員?Maggie說:「冇咁快!Alex要專注工作,未做到自己目標唔會結婚住,佢哋暫時都係朋友階段!」

出席派對的還有Alex的85歲公公及April的女兒,四代同堂!而Virginia與前夫所生的兒子朱志威的老婆、懷孕五個多月的台灣女星關穎腹大便便,在夏威夷旅行完仍來港為奶奶慶生,認真孝順!

松岡戴上口罩出席林德信、其母及其妹的生日派對,儼如林家一分子!

鍾意就快D Share啦!