2015年3月21日星期六

伊能靜結婚了哈林廁相解讀：髒水只適合倒進馬桶裏哈林,伊能靜,庾澄慶,

【沖廁的前夫】伊能靜結婚了哈林廁相解讀：髒水只適合倒進馬桶裏

2015-03-21 15:20:00

呢一個沖廁，真正嘅意思係咩呢？

今日伊能靜同秦昊喺布吉結婚，而噚日仲喺微博貼咗九張結婚相，而伊能靜嘅前夫哈林庾澄慶，噚晚就喺微博貼咗沖廁相，呢一張相，就引起哈林微博嘅世界大戰喇。

近日台灣就出現缺水嘅問題，台灣有報道指桃園市石門水庫只能再供水32天，情況危急，所以哈林噚日就貼張沖廁相，其實係話因為缺水，所以沖完涼嘅水，就用嚟沖廁，仲話環保刻不容緩。

不過呢一張相嘅背後意思，大家就不停咁解讀喇，因為貼相嘅時間就係前妻再婚嘅前一日，有網民就話係喻意張舊事沖走，網民話：「哈林哥好有深度。快點找個美女娶了吧，估計也是洗澡水。」、「那些問伊能靜今天秀婚紗照哈林咋想的，你們傻嗎？看不出哈林在沖馬桶嗎？那就是一坨屎，哈林不幸踩了一腳而已，沖走就乾淨了！」、「偶像，大仇已報。」、「簡直神回應！洗澡用過的髒水只適合倒進馬桶裏，讓它隨著便便一起沖走吧。」、「針對伊能靜，沖走她的一切」等等等等。

不過有更多嘅網民大讚哈林，話佢係環保戰士，好似話：「哈林老師節約用水。」「環保王子！」咁到底哈林係真係慳水，定係借馬桶談伊能靜呢？真係要佢自己先知喇。