掃呢頁CODE去手機

2015年3月15日 星期日

小龍女「報警」 吳綺莉:佢想搵人救媽咪! 吳綺莉,



吳綺莉(Elaine)前日驚爆涉嫌虐兒及藏毒被捕,昨日終於頹爆現身,並聲稱冇事發生,不過她接受有線專訪時,卻剖白事件來龍去脈,承認有飲酒習慣,認為女兒吳卓林(小龍女)報警的出發點是為她的健康着想,她說:「我知佢係愛我。」卻聲言不相信女兒會自殺,並含淚向女兒承諾:「媽媽會保重身體。」

頹爆的吳綺莉抵達衞信苑舊居,但沒有接受訪問。

吳綺莉出關即被記者訪問。

吳綺莉指冇畀安全感女兒,但不信對方會輕生。

吳綺莉昨日在寓所接受訪問。

涉嫌虐兒及藏毒被捕、並已保釋候查的吳綺莉昨日頹瘦出關,下午四時許一臉憔悴的她現身大埔寓所門外,獨自駕車外出,引來大批記者追訪,不過她未有回答是否探女,僅沉默地駕車離開,駕車時面無笑容,神情懊惱。下午五時許,吳綺莉抵達渣甸山衞信苑舊居,甫落車即被傳媒包圍。問到是否見囡囡,她說:「唔係。(心情如何?)冇嘢講,照樣返工開工。」對於有指她因睡不着要飲酒,她只撇下一句:「唔想亦唔會回應。Everything is fine。(一切都安好。)」隨即步入大廈,並再強調:「任何嘢都冇事。」

其實吳綺莉「出關」前,曾在寓所內接受有線節目主持張學潤(Nel Nel)的專訪。昨日下午一時許,Nel Nel與有線攝製隊登門造訪,Nel Nel離開時說:「佢情緒穩定,係幾日冇瞓覺,同埋掛住個囡囡囉!幾日冇見過個女。個女始終都冇病,唔可以喺醫院住太耐。」

唔講疑似毒品

在昨晚播出的訪問中,吳綺莉和Nel Nel在飯廳一角進行訪問,背後張貼了不少小龍女的畫作。受訪期間,她不禁落淚說:「我覺得佢係驚我病、有事,佢見我做嘢好多壓力,佢知我愛佢,我知佢係愛我,否則唔會報警,佢只係覺得媽咪就嚟死,搵人救我媽咪。我都有做錯,就係冇畀到安全感個女。」憔悴的她詳細談及本月十一日即女兒報案日的過程:「唔知發生咩事,如常四點半接個女放學,打畀卓林佢話同老師傾緊偈,五、六點都唔見個女,跟住有兩個警察同老師行埋嚟!老師同我講話個女想自殺,我嘅角度覺得呢件事係冇可能,我同個女每晚都傾偈,大家成日問『How's your life?(你生活點呀?)』」她又透露在警署期間,警方曾到其寓所向其家傭問話,問到警方在其寓所搜出疑似毒品,她表示不知道並已交律師處理。

否認精神虐待

對於卓林向警方求助,她說:「我唔知,我唔喺現場,我唔知真正發生咩事,呢幾個月冇人搵過我、傾過任何嘢!我都好愕然。警方同我講,話我個女報警,告我虐兒,我好愕然,我冇諗過搞到咁大件事。我初頭以為係個女扭計,我覺得冇可能,我所謂打佢,最多都只係……」她即輕推Nel Nel示意。

吳綺莉更以「我自問冇」來否認精神虐待女兒,問到女兒有否表面傷痕,她說:「我諗冇,真係冇,我覺得係會睇到,我仲好大聲話真係冇。(警方未交代搜到咩?)大家都只係處理緊個女嘅問題,最緊要令小朋友唔好再受傷害同更加驚。」她又說:「到咗呢一刻,我唔知可以做咩,我唯一諗番,係我本身個人比較硬淨,我忽略咗佢嘅承受能力,變咗啲嘢積積埋埋,佢又青春期,加上同人傾吓傾吓變成咁。」

Nel Nel要求吳綺莉在節目中向女兒告白時,她說:「媽媽會保重身體,努力工作喇!」她又指曾致電女兒但對方不接電話,故以WhatsApp留言,着她不用擔心及保重,又指契媽有致電卓林,得知卓林目前很驚:「知佢驚,知佢知道搞咗件事出嚟,唔知點收科!」她直認對學校做法有意見,因校方從未就女兒事件找她傾談,對事件爆發感愕然。

頹爆的吳綺莉抵達衞信苑舊居,但沒有接受訪問。

吳綺莉出關即被記者訪問。

吳綺莉指冇畀安全感女兒,但不信對方會輕生。

吳綺莉昨日在寓所接受訪問。

鍾意就快D Share啦!