2015年3月15日 星期日

認小龍女唔接電話 憔悴吳綺莉哽咽:我做錯咗 吳綺莉,



認小龍女唔接電話 憔悴吳綺莉哽咽:我做錯咗



其他影片:>>






承認小龍女唔肯接電話 吳綺莉哽咽認錯

成龍和林鳳嬌的兒子房祖名去年北京吸毒剛出冊,事件才平息,緊接輪到房祖名同父異母妹妹、吳綺莉為成龍生的吳卓林上周三報警,吳綺莉涉虐女被捕,小龍女爆料指媽咪經常酗酒,殘爆吳綺莉昨接受有線訪問哽咽承認:「我做錯咗,令佢冇安全感。」母女事發至今斷聯絡,她眼濕濕透過螢幕對愛女說:「媽咪會保重身體。」

一九九○年亞姐冠軍吳綺莉,九九年撻着已婚成龍,堅持未婚生「龍種」,現年十五歲的小龍女吳卓林一直與媽咪相依為命,母女每次出現都黐到實,料不到前晚卻爆出單親媽媽吳綺莉涉虐女被捕,警方指上周三卓林向學校報稱被母親打傷,校方了解後報案,警方拘捕了吳綺莉,在其大埔寓所搜出少量疑似大麻的毒品,但需要進一步化驗及調查,現吳綺莉已獲釋候查。



■涉嫌虐兒的吳綺莉被捕獲釋後昨日首現身,她接受有線訪問時承認做錯,令小龍女冇安全感。



■吳綺莉被女兒卓林大爆有酗酒習慣,昨日迴避有關問題。



■吳綺莉昨日在訪問期間談到女兒時硬咽。

電視圖片



■張學潤昨帶着攝製隊到吳綺莉家中進行採訪。

避談搜到疑似毒品

傳媒昨留守吳綺莉大埔寓所,昨午一時多,有線派出張學潤(Nelson)帶着攝製隊入屋採訪,該段訪問昨晚播出,吳綺莉表示卓林報警應是出於關心媽咪,事件因為涉虐兒,母女暫時要隔離,她透過螢幕對卓林說:「媽咪會保重身體。」吳綺莉直認會在家中喝紅酒是想助入眠,至於被警方指家中搜到懷疑毒品,她說:「我交晒畀律師理,呢刻只係唔想令小朋友更受驚、更受傷害。」吳綺莉至今仍未聯絡到囡囡:「佢唔敢聽我電話,WhatsApp又冇覆。」但卓林與契媽有聯絡,吳綺莉說:「阿女𠵱家都唔知點收科,我承認我做錯咗一樣嘢,令佢冇安全感,佢擔心我身體唔好,工作壓力大,佢知我係愛佢。」

吳綺莉又指警方向她錄口供時,明確表示卓林稱被母親打,吳綺莉說:「我當時話冇可能喎,我都好多年……我嗰啲所謂打佢,都係(做動作,輕輕打一下張學潤手臂),咁有幾大力啫?」張學潤即謂:「虐兒唔一定係打,精神虐待都係。」吳綺莉補充:「我自問冇精神虐待佢。」提到女兒,吳綺莉尾聲都眼泛淚光。

採訪、攝影:羅德光、徐錦池、梁繼光、潘冠恩



■吳綺莉和卓林一直關係很好,卻突爆出她涉虐女兒。資料圖片



■未婚吳綺莉當年堅持為成龍生下女兒。資料圖片

律師話:吳卓林交成龍接管?

吳綺莉涉嫌虐女被捕,目前正保釋候查,若然虐女案一旦罪成,現年十五歲的吳卓林因未成年需要監護人或家長照顧,會否就交由卓林生父成龍接管?本報記者昨訪問黃國桐律師,他表示就算出世紙有父親的名字,生父也沒有這個權利,社會福利署會以小孩的利益福祉為依歸,黃律師說:「生父都冇呢個權利,社署會自己照顧個小朋友,先睇吓有乜至親好友可以照顧到個小朋友,如果親友想幫手照顧亦可同社署申請,總言之一切都係以小孩個福祉為先。」

網友熱話:「希望佢可以過到呢關」

‧Win Win Chan:冇傷報警都多數砌唔入,但又去報,仲入屋搜?又唔係偷嘢,虐兒會搜屋?係咪有人知佢啲嘢?

‧Jim Jim:又放大事件,我細個俾父母打到飛起,𠵱家啲細路,一巴都話要報警!

‧Lorraine Cheung:佢做單親阿媽,壓力好大,希望佢可以過到呢關。

‧Vitia Leung:正是家家有本難念的經,至於有冇藏毒?就要由警方調查!

鍾意就快D Share啦!
Related Posts Plugin for WordPress, Blogger...