早年忽然由靚女變大細面，楊秀惠被傳整容失敗，但其實又未知於咁嚴重，只係貪心貪出禍啫！
天生包包面嘅楊秀惠喺04年代表馬來西亞參選國際華裔小姐，本身都係靚女一名，點知09年佢就驚現大細面，仲要係好嚴重嗰隻。唉！都怪佢貪心得滯，用代言嘅瘦面產品之外，仲極重手打埋當年好興嘅botox，搞到塊面歪埋一邊，笑都笑到歪晒。
其實botox只要唔keep住打，九個月度就會完全流失，不過以佢當時嘅「嚴重程度」，九個月又點會好得返丫？好彩過咗幾年都回復到正常，不過佢亦冇有怕，舊年決定開美容店代理意大利瘦面產品，自己做埋生招牌。
