【影片更新】
好震撼呀！韓國男神「長腿oppa」李敏鎬同「國民初戀」秀智今朝驚爆熱戀中，仲要喺嚟香港前兩日，同遊英國倫敦3日2夜，喺酒店sweet sweet。
據韓國Dispatch今日報道，李敏鎬同秀智撻着約兩個月，從2月開始，除非各自喺外地有工作，只要喺韓國幾乎日日見面。今次斷正嘅倫敦遊，查實係佢哋各自喺歐洲有工作，順道去玩。喺今個月10號佢哋經仁川機場出發，李敏鎬去法國巴黎為Dior影相，而秀智就去倫敦為AllSaints影相。到15號，李敏鎬完成佢嘅拍攝工作，就坐穿梭巴黎同倫敦嘅火車「歐洲之星」去倫敦會合同日完成工作嘅女友。為咗掩人耳目，秀智由原本住緊嘅Waldorf酒店 check out，等男友嘅租車嚟到，接佢去全倫敦最高建築嘅The Shard，之後佢哋就喺呢座嘢入面嘅香格里拉酒店，愉快咁度過3日2夜。
報道仲話，李敏鎬唔怕辛苦，約會咗3日之後，喺18號等秀智返韓國，佢就再折返巴黎轉機返國，隔兩日再嚟香港開演唱會。而喺戀情爆出後1個鐘，佢哋雙方公司好快就夾好口供，承認戀情，雙方公司話：「開始咗大約1個月，目前處於互相有好感，小心見面嘅階段，希望大家可以俾多啲溫暖嘅關注佢哋。」
好震撼呀！韓國男神「長腿oppa」李敏鎬同「國民初戀」秀智今朝驚爆熱戀中，仲要喺嚟香港前兩日，同遊英國倫敦3日2夜，喺酒店sweet sweet。
據韓國Dispatch今日報道，李敏鎬同秀智撻着約兩個月，從2月開始，除非各自喺外地有工作，只要喺韓國幾乎日日見面。今次斷正嘅倫敦遊，查實係佢哋各自喺歐洲有工作，順道去玩。喺今個月10號佢哋經仁川機場出發，李敏鎬去法國巴黎為Dior影相，而秀智就去倫敦為AllSaints影相。到15號，李敏鎬完成佢嘅拍攝工作，就坐穿梭巴黎同倫敦嘅火車「歐洲之星」去倫敦會合同日完成工作嘅女友。為咗掩人耳目，秀智由原本住緊嘅Waldorf酒店 check out，等男友嘅租車嚟到，接佢去全倫敦最高建築嘅The Shard，之後佢哋就喺呢座嘢入面嘅香格里拉酒店，愉快咁度過3日2夜。
報道仲話，李敏鎬唔怕辛苦，約會咗3日之後，喺18號等秀智返韓國，佢就再折返巴黎轉機返國，隔兩日再嚟香港開演唱會。而喺戀情爆出後1個鐘，佢哋雙方公司好快就夾好口供，承認戀情，雙方公司話：「開始咗大約1個月，目前處於互相有好感，小心見面嘅階段，希望大家可以俾多啲溫暖嘅關注佢哋。」
|
鍾意就快D Share啦！
|
|
|