全城熱爆的娛樂八封新聞 & 時事趣聞 & 生活 + 趣聞
阿譚返咗強國搵食咁多年，好彩冇變大叔！一身運動裝， cool！
男人唔補，真係好易老，所以媽咪姐要讚吓啱啱 46歲嘅譚耀文！阿譚早年北上搵人仔，近日返香港宣傳新片《衝鋒車》，拍埋吳鎮宇、鄭浩南等型佬身邊，一啲都唔輸蝕，仲 man過以前㖭！
不過返得嚟香港佢就做番 family man，星期日（ 29日）媽咪姐入西貢吹吹風，見到佢一家七口飲完茶去攞車。一身運動裝嘅阿譚，星味十足，最重要係冇乜強國味。今日由太太 Fiona做司機，而佢就負責拎嘢同照顧行動不便嘅長輩，好男人三個字抵俾
好 man呀！
老婆 Fiona係美容院老闆娘，呢日拖住囡囡 Tamia，好溫馨。
行過球場，阿譚仲幫手執波再拋番俾人，似乎有啲「手痕」噃。
親友行動不便，阿譚幫手推輪椅。
