掃呢頁CODE去手機

2015年4月3日 星期五

亞視藝人等執包袱 袁潔儀返鄉耕田 袁潔儀,亞視,潔儀,



亞視藝人等執包袱 袁潔儀返鄉耕田



其他影片:>>






亞視藝人等執包袱 袁潔儀返鄉下耕田

【亞視倒數之另謀出路】

「一場歡喜一場空」是一班堅守在亞視的藝員心聲。前日愚人節中午,亞視終於等到「白武士」出現,由德勤宣佈亞視與準買家簽署買賣合約,5小時後,由商務及經濟發展局局長蘇錦樑宣告亞視「死期」,提供免費廣播至明年4月1日為止。亞視藝員走過高山低谷,無奈接受亞視不被續牌的事實,40多名藝員被迫執包袱,袁潔儀指如無電視台接收便隱居田園,返鄉下耕田;富家子涂諾準備8位數投資製作公司,將優先聘用舊同事;秦啟維8月約滿,全身投入耳機生意;「六合彩之女」周嘉莉滿約後得冼國林賞識力邀加盟其公司。蔡國威和張家瑩感覺前路茫茫,未知去向。

撰文:楊潔雯

袁潔儀於2002年被亞視拋棄,2014年再重投亞視懷抱,潔儀姐姐聞得亞視「末日」,她說:「第一個反應係好心痛!隔咗十幾年返亞視,有部份年輕下一代加入,又有舊一輩,感覺真係好開心,返亞視一年左右,係好一家人嘅心態,諗到再冇得做一家人咪好心痛囉!都要去面對,為屋企嘅已經走咗,未離職應該有自己嘅打算,我都唔例外。」



【服務亞視14年】

■已有後路的袁潔儀,如沒獲電視台邀請,她便隨老公返鄉下耕田。

攝影:林德雄

享受自給自足

潔儀姐姐熱愛幕前工作,她說:「如果第二啲台唔要我,老公實要我㗎!返去幫老公手搞吓啲生意囉!其中一樣係做有機肥料,等於返去耕田喇,都開心開始有機生活,自給自足,呢種生活好健康,可以做吓運動;二來可以吸收吓大自然,最重要係種出嚟嘅嘢,唔單止自己食,仲可以同人哋分享,甚至可以幫我老公將呢個有機生活大搞,咁就更加好囉!內地方面開始對呢樣嘢有認識,所以我都希望為我老公出一分力,陪佢去農地實地考察,見吓啲農民。」



■袁潔儀有感亞視猶如一個大家庭。

蔡國威等約滿 拒當義工

「六合彩之子」蔡國威留守亞視22年從未間斷,經歷過風風雨雨,他一直盼望明天會更好,估不到他要親眼目睹亞視的終結,一時間威仔未能夠完全接受,亦不知前路方向,他說:「我8月約滿,如果亞視可以運作到嗰一日,咪等到嗰日之後先至再算囉!所以我係未有打算,之後都唔敢諗,一日仲有約,我咩都唔可以做,但係一間公司冇資金運作,係唔會有人做咁耐義工,我都唔會,不過我會履行我嘅合約。」



■同是《六合彩》主持,周嘉莉獲冼國林邀加盟旗下,而蔡國威卻前路茫茫。

周嘉莉獲冼國林賞識

至於「六合彩之女」周嘉莉上月30日約滿,她被自然流失,對亞視仍無怨言,參加亞姐後加入亞視3年,周嘉莉慶幸亞視給她機會主持《六合彩》,令她學識「執生」,從而得到製作人的賞識。周嘉莉約滿前,義借亞視600萬出糧的冼國林主動聯絡周嘉莉,她說:「好開心,冼師傅真係好好,畀呢個機會我,大家好有誠意傾緊細節,我自己都希望可以喺呢行繼續發展,所以真係好開心冼師傅畀呢個機會我。」

涂諾掟千萬 聘舊同事

塑膠貿易公司CEO涂諾,加入亞視為鍛煉自己,亞視不獲續牌,他絲毫無損,在弱台3年,他學會演戲藝和製作,之後更打算大展拳腳,涂諾說:「自己屋企生意比較忙,呢幾年喺亞視用我好多時間,都想做番呢個圈,我諗應該會去搵一間中型的電影公司或者演藝公司合作,以一個老闆或股東身份參與,搵一家有規模製作團隊,希望如果香港有咩新公司有興趣增加股東,可以同我傾!」涂諾預算投資千萬入股,他表示新公司會優先取錄亞視員工,他說:「如果我有機會,我首選係曾經合作過嘅亞視同事,畢竟合作過,夾得到好難。」



【服務亞視3年】

■富家子涂諾打算投資千萬開電影或演藝公司。

攝影:陳順禎

秦啟維轉行 銷售耳機

亞視是秦啟維第一份工,1995年演藝學院畢業後加入至今已經20年,他早前投資BASSBUDS耳機生意,不時需要資金周轉,所以他擔心亞視不續牌不會有糧出,連長期服務金都可能凍過水,他說:「咁多年儲埋落嚟,成20年有六位數字,加埋長期服務金,都擔心,等如成年人工。」

亞視如此境況,秦啟維只好全程投入耳機生意,他說:「我表哥拎咗個代理,最近推出咗一啲同英超球隊合作嘅耳筒和喇叭,分別係利物浦、熱刺、阿士東維拉同埋韋斯咸呢四個球隊,英國賣得幾好,希望引入來香港。」



【服務亞視20年】

■秦啟維擔心無糧出,連長期服務金都無。

張家瑩失望 捱到年底

31歲的張家瑩是2007年亞姐冠軍,花了7年青春在亞視,結果令她失望和心痛,她說:「真係好想喊!究竟運作到幾時?我可以點做?我真係唔知道,我份約去到今年年底,真係好迷茫,呢份係我第一份工,真係有好多感情,唔知幾時冇節目做,幾時係最後一次,但係我好想再返公司,有機會可以做埋最後一個騷。」

年底才約滿,張家瑩未敢有任何打算,她說:「冇得plan,等亞視安排,睇吓葉家寶點講。我自己做緊嘅餐廳梗係會繼續,冇嘢拍咪落去做打雜,乜嘢都做,如果有機會接出面做司儀,我都會繼續接。」



【服務亞視7年】

■張家瑩仍然在等亞視安排。

【話你知】全職藝人僅10多個

亞視不獲續牌,台前幕後700名「死士」中,除了以上袁潔儀、涂諾、秦啟維、蔡國威、周嘉莉及張家瑩6位藝人外,餘下擁全職合約的僅得數人,並且領月薪,當中劉錫賢在今年9月約滿、朱慧珊則預計10月約滿。



鍾意就快D Share啦!