掃呢頁CODE去手機

2015年4月3日 星期五

袁潔儀喊住鬧王征:良心定風涼 袁潔儀,王征,潔儀,



已經營58年的亞洲電視不獲續牌,廣播期將於明年4月1日結束,前亞姐袁潔儀昨接受節目《娛樂審死官》訪問時,爆喊兼怒插以亞視為「良心電視」的王征:「良心定風涼?」前亞姐冠軍楊恭如亦大表惋惜:「亞視浪費咗個免費牌。」

袁潔儀指亞視不獲續牌,感覺似有朋友離開,並怒插王征冇良心!

袁潔儀情緒激動得數度飲泣,更用紙巾拭淚!

曾為亞視拍劇的楊恭如,對於亞視不獲續牌感可惜。

亞視被判「死刑」,王征成為眾矢之的。

亞洲電視不獲續牌,廣播「大限」僅至明年四月一日,亞視員工無不心痛惋惜!前亞姐袁潔儀及藝員秦啟維等,昨日接受nowTV節目《娛樂審死官》訪問,節目開始前現場氣氛一片傷感,眾人影大合照時更眼濕濕!對於亞視被判「死刑」,袁潔儀唉聲嘆氣,大呻過程「瘋」迴路轉,更數度飲泣:「尋日喺廣州返嚟,收到好多朋友嘅短訊,又有好多消息傳出,見到話有新買家覺得OK吖,後尾又話唔係,成件事『瘋』迴路轉!」

梁思浩喊到眼紅

她又表示亞視不獲續牌,感覺似有朋友離開,情緒激動的她更用紙巾拭淚:「返咗亞視一年,新舊同事感情好好,依家似各散東西,好唔捨得!要慢慢用時間平復、接受。」問到會否覺得亞視死在主要投資者王征手上?她即鬧爆:「我唔知佢想點,廣告成日話係良心電視台,想問佢一句係風涼個『涼』定良心個『良』?可能佢有佢處境,做每個步驟有原因。」仍收到下星期節目通告的她,表示會做好節目向贊助商交代,並稱以平常心面對日後打算。現定居廣州的她雖一度爆喊,但在節目中亦識講笑:「真係要行路上廣州。」

節目主持梁思浩亦喊至雙眼通紅:「希望大家唔好用有色眼鏡去睇亞視藝人,唔好分邊個電視台。」秦啟維則大嘆電視台不爭氣,更自覺難再做演藝界,幸有經營耳機生意維持收入。他在節目中更自爆為照顧留院的嫲嫲花盡積蓄:「撐唔住就算做茶餐廳都要逼住去做。」

劉錫賢斥只顧賣盤

近年主力在內地發展的前亞姐冠軍楊恭如,亦深感可惜:「成件事好可惜,但我同以前喺亞視嘅同事好少聯絡,喺橫店拍戲多啲撞到,亞視大部分人都出晒去做嘢。」當年有份演出經典劇《我和殭屍有個約會》的她,對於海外轉播權轉售予無綫大表贊同:「可以畀更加多人睇到嘛,好開心可以拍到咁多經典劇集,其實亞視係浪費咗個免費牌。」

而昨接受電台訪問的亞視忠臣劉錫賢,直斥亞視高層只顧賣盤,未為續牌盡力:「一路都講緊o架因為係兩位股東爭拗搞到咁。尋日蘇錦樑局長都講,到依家都收唔到亞視提供嘅遠景方案,11月到依家成個電視台都係諗緊點賣盤,但冇為過個牌做啲咩。」未收到公司交代情況的他,更認為員工去向最緊要:「由尋日發生到依家為止,我哋都未收到公司嘅交代,到底要點運作?點行落去呢?到底我哋仲使唔使返工?我哋堅守咗半年,到底你如何善後?我覺得六百個員工要擺最前先。」

對於公司今個月能否如期出糧,劉錫賢謂對亞視高層葉家寶有信心:「葉家寶講過,四月份同下個月嘅糧都準備好,佢係守信用嘅人,我覺得佢已經為我哋做咗最大準備。」更強調會堅守合約,繼續在圈中工作。

同在電台受訪的亞洲會會長魏秋樺則謂見證兩個電視台朝代,感到難過不捨,更指未來一、兩星期會有行動,爭取收回成命。

袁潔儀指亞視不獲續牌,感覺似有朋友離開,並怒插王征冇良心!

袁潔儀情緒激動得數度飲泣,更用紙巾拭淚!

曾為亞視拍劇的楊恭如,對於亞視不獲續牌感可惜。

亞視被判「死刑」,王征成為眾矢之的。

鍾意就快D Share啦!