掃呢頁CODE去手機

2015年4月24日 星期五

搵馬國明代言 筱靖商界發圍賣雪糕 [忽然1周 - 1030] 筱靖,馬國明,MW,



筱靖與會計部同事落區做巿場調查,視察銷售環境,更在雪糕店內試味取經。兩個人食咗四杯雪糕,唔肥有鬼咯。

娛樂喧

搵馬國明代言 筱靖商界發圍賣雪糕

亞視進入倒數階段,分分鐘 5.29執笠,藝人紛紛搵「後路」。去年尾率先「跳船」的亞視嘟姐筱靖,離開亞視後打理家族生意,剛巧家族簽了「捷榮」咖啡內地的代理權,她便擔任「公關總監」,向商界發展。

最近,筱靖又有新搞作,引入美國的 Dandy Don's雪糕,先攻香港市場。她會將雪糕重新包裝,部署年中在香港的便利店、超市及連鎖麵包店發售。

筱靖榮升老闆娘之餘,做埋代言人,更𥄫中城中「筍盤」馬國明,以情侶姿態 sell雪糕。

筱靖( Manecy)的爺爺陳培有內地「酵母之父」之稱,曾被國務院表揚將酵母引入中國的貢獻。今年初她擔任「捷榮」咖啡內地代理的「公關總監」一職。短短數個月,內地營業額急升。食髓知味,筱靖最近再出擊,將美國品牌 Dandy Don's雪糕引入香港。

本周一( 20日),筱靖帶埋會計部同事實地視察。兩人先後在麵包店及超級市場巡視,更在附近的雪糕店取經及試味,最後往觀塘的工業區睇雪藏車。筱靖說:「依家乜都要搞,要先搞掂雪藏車同雪庫。因為雪糕嘅冷藏溫度至少要負三十度,唔係度度都可以。另一方面,我哋傾緊將啲雪糕放喺便利店、麵包店同超級市場內售賣。麵包店未必有雪糕櫃,要我哋提供,所以要落嚟睇吓環境。」

馬國明被譽為「筍盤」,難怪筱靖想與他一起扮情侶拍廣告谷新產品。

筱靖試味之餘,仲用手機拍下照片參考。

投資七位數

筱靖講起雪糕市場時有板有眼:「佢哋( Dandy Don's)有三十種味道,我會揀適合香港人嘅味道先引入香港。呢排四出試雪糕,體重都上升咗。依家做生意真係乜都要計數,上架費同運輸費都好貴。我哋嘅雪糕除咗有特別嘅味道,外形都會好特別,成本都要三十蚊,毛利唔高。不過,自己喜歡食甜嘢,又覺得啱香港女性市場,暫時投資七位數左右。」

除了市場及推廣工作,筱靖會做埋代言人,更有意找「筍盤」馬國明合作。她說:「想用情侶帶出產品嘅 sweet感覺。古仔(古天樂)同馬國明係我偶像,好想同佢哋一齊拍廣告。不過,我 check過古仔嘅廣告價好貴,暫時請唔起。依家首選係馬國明,佢入屋又係『筍盤』。佢初入行時唔係最爆嗰個,但慢慢靠實力走紅,我好欣賞佢。」

去年筱靖與古天樂一起拍電影《單身男女 2》,兩人相處達半個月。筱靖指古天樂非常照顧後輩。

筱靖的爺爺陳培有「酵母之父」之稱,曾被國務院表揚其將酵母引入中國的貢獻,家族在內地有財有勢,令筱靖的起步比別人快。

仍希望做幕前

雖然筱靖現忙於搞雪糕生意,但強調仍會做幕前。她說:「一定會做幕前,因為知名度對做生意好有幫助,最重要係做幕前令成個人走在最前線,觸覺快啲。」筱靖「跳船」跳得最快,又有屋企支持,生意愈做愈大。難怪佢話會盡量請番舊同事,呢位舊同事真係唔話得。

筱靖近日着手搞雪糕生意,不過她強調不會放棄幕前工作,希望利用知名度令生意更上一層樓。

筱靖將引入美國品牌的雪糕,更部署在超市設櫃售買。不過,她指上架費好貴,故要精打細算。

筱靖指雪車及雪倉,是雪糕生意最重要一環,故她與同事落手檢查品質,非常認真。

走得快好世界

亞視 5月 29日執笠,員工前路茫茫,餘下的十多位藝人都相繼自救搵出路。

林睿開食肆

2011年亞洲先生季軍,曾與羅霖傳過緋聞,近日他自資在內地開舖搞蒸雞飯生意。

楊正軍教潛水

近日他與 Amy艾美琦拍電影之餘,稍後將會往台灣一個月考潛水教練牌,為轉行鋪路。

宮雪花賣畫

周日她舉行拍賣會,拍賣自家國畫,更說:「亞視冇得救,要努力找出路。」更指有人投資開畫展。

秦啟維搞耳機

八月約滿亞視後,無約一身輕的他便會全情投入與表哥搞耳機生意。

美國的 Dandy Don's雪糕

創辦人 Dandy Don's 1981年在美國洛杉磯創立同名的雪糕, 1986年品牌已贏得美國洛杉磯商品展覽會乳製品類的金牌獎項。多年來該雪糕曾贊助奧林匹克運動會,在南加州接近二百間餐廳、酒店等地方均有售。雪糕的味道多達三十多種。去年獲香港捷榮注資,將會升級改造及引入香港。

鍾意就快D Share啦!