又笑，又拜拜，大升市前夕，周凱旋心情爆靚！
同你吟一吟
周凱旋買餸量力而為
股市大時代來臨，李嘉誠旗下嘅長和（ 0001）受惠，就連將軍澳新盤「緻藍天」，眨吓眼又話賣晒。
樓市股市暢旺，財爺曾俊華又派埋定心丸，話唔見有泡沫，不過李嘉誠就打穩陣章，呼籲小股民要「量力而為」。
李嘉誠挺身做股民明燈，佢位紅顏知己周凱旋就負責做明燈嘅伙頭軍。上星期一（四月六日）仲係假期，周凱旋十一點幾就出動，走去跑馬地日本食品專門店，採購食材。
現場外籍保鏢見到《壹》仔，自動波開遮擋鏡頭，但打開唔夠幾秒鐘就收番，好明顯，係收到老細 order。
唔介意上鏡嘅周凱旋仲同《壹》仔打招呼：「咁早呀你哋，你哋都嚟買餸呀！」呢個時勢，買餸不如買股！嗱，量力而為嘅周凱旋買餸都唔係去街市㗎，大家買股都要一樣，緊記量力而為呀！
|
鍾意就快D Share啦！
|
|
|
