掃呢頁CODE去手機

2015年4月14日 星期二

賭王仔何猷亨先追陳凱琳 被鄭嘉穎「截糊」 凱琳,,賭王,鄭嘉穎,嘉穎,何鴻燊,猷亨,何猷亨,陳凱琳



【曾抄牌】賭王仔何猷亨先追陳凱琳 被鄭嘉穎「截糊」

2015-04-14 11:12:00



(資料圖片)(instagram圖片)

現年23歲嘅陳凱琳自從選完港姐,做埋大台當家小花,收服唔少裙下之臣,不過近日有傳呢位「民間港姐」情傾45歲嘅鄭嘉穎,仲同對方暗交兩個月,更有指陳凱琳上男方屋企,事後鄭嘉穎有出口護花,聲稱陳凱琳係上佢屋企借碟,不過真冇講實大家有冇機會發展,仲話怕未開始就嚇親人哋。

今日有周刊爆,原來唔止同劇嘅黃又南、陳山聰曾經獻殷勤想追陳凱琳,就連賭王仔何猷亨識咗陳凱琳,亦識過展開追求攻勢,上年12月傳猷亨喺活動中,曾經同陳凱琳交換電話號碼,疑最終都係唔夠嘉穎鬥,嘉穎成功獲得伊人芳心。

據報道講,嘉穎同陳凱琳上周五喺薄扶林道拍一場kiss戲,佢哋更好快投入到,陳凱琳更主動恰埋雙眼獻吻、攬實嘉穎條頸,表情相當受落,嗰場戲嘉穎成程扮cool,陳凱琳就又繑實男方,未埋合,佢哋仲企堆一齊係咁傾,陳凱琳更不時用一雙電眼喪電嘉穎。

據知,入行多年嘅鄭嘉穎一直好易同拍檔擦出愛火,當年嘉穎就同初戀女友王馨平成日合唱,唱出感情,之後同周麗淇、佘詩曼及劉心悠因拍劇傳過緋聞,當時更有指係嘉穎瞞住拍拖5年嘅Niki,暗交阿佘,最終疑分手收場,嘉穎至今亦聲稱仍係單身。



外表斯文,亦有好動嘅一面。(instagram圖片)



閒時就會約「四個女仔三個Bar」嘅好姊妹。(instagram圖片)

鍾意就快D Share啦!