2015年4月14日 星期二

朱慧珊:心裏面好唔開心 劉錫賢:想帶走所有藝人 劉錫賢,朱慧珊,



朱慧珊:心裏面好唔開心 劉錫賢:想帶走所有藝人



■劉錫賢和朱慧珊同是亞視台柱,兩人難捨亞視即將結業。攝影:陳慧安

朱慧珊

亞視一姐

入職年份:1995年

年資:20年

朱慧珊1985年參選亞姐,挾「和平小姐」獎項入行,她與亞視建立的30載情誼,絕對感受良多。即使中段被無綫邀過檔,但最後她又自動回歸娘家,1999年回巢時更加入新聞部,事業踏上轉捩點,她受命帶領一組同事打造節目《慧珊時尚坊》,該節目壽命更長達6年,成績算不錯,珊姐很懷念與台前幕後那段拼搏日子:「當年新聞部主管關偉畀我好多空間,嗰段長時間,有同事離開,亦都有新同事加入,但成team人並肩作戰,感情深厚,大家建立咗密切關係。」

珊姐直言對亞視又愛又恨:「當然我對亞視情況早有心理準備,直至聽到新聞公佈亞視續唔到牌,我嗰刻真係講不出聲,心裏面好唔開心,冇嘢想講,要講就只係想鬧人。」愛自拍的珊姐慶幸每次做騷必相機跟身,孖拍檔喪影留念,當亞視成為歷史時,她起碼還可憑照片話當年。



■朱慧珊在娘家的代表作,她首選《慧珊時尚坊》。互聯網圖片

劉錫賢

亞視一哥

入職年份:1989年

年資:27年

亞視一哥劉錫賢今年8月約滿後便效力亞視27年,對於這個溫情洋溢的娘家,他說:「呢度好有人情味,每逢做亞姐、亞生或大騷,大家聚首一堂最開心,我最懷念以前廣播道舊總台嘅日子,我有時冇工開都會返去,會喺公司餐廳見到唔同嘅人,無論大牌或細牌,大家都會打招呼傾偈。」自從遷入大埔新廠房,熱鬧只成追憶,廠房雖大卻偏遠,形成疏離感,遇上公司搞大騷,劉錫賢必乘機集郵留念。

亞視面臨玩完,劉錫賢充滿不捨:「58年歷史嘅電視台將會一夜間倒閉,係天下間無法令人相信嘅事,唔止我,相信已離職或現時員工都覺得遺憾。」劉錫賢認同台前幕後在過去半年一直撐公司,他最關心所有藝人未來路向:「我冇能力帶走600幾位員工,可以嘅話想帶走所有藝人,佢哋個個都非常可愛,嗰種無私為公司同拼搏精神係最值得保留。」



■每逢台慶大騷,總有壓場的朱慧珊和劉錫賢做司儀。互聯網圖片

鍾意就快D Share啦!
Related Posts Plugin for WordPress, Blogger...