掃呢頁CODE去手機

2015年4月10日 星期五

Cap圖龍虎榜 [忽然1周 - 1028] MW,



靚抽王

Cap圖龍虎榜

平日一打開 facebook同 WhatsApp,可謂 cap圖滿天飛, cap圖已經成為我哋生活嘅一部分。今期至新至 hit嘅 cap圖係乜?睇 Cap圖龍虎榜!

眼睛張開身邊竟是……

陳奕迅上《我是歌手》!不過唔係上去參賽,而係上去幫韓紅唱半首歌啫,照例呢單嘢又成為網民熱議對象。有人話〈十年〉呢首歌係悲情歌,係得強國歌手先唱到好似〈友誼萬歲〉咁。另一邊廂,〈十年〉嘅廣東話版〈明年今日〉早年曾經被網民惡搞,佢哋嗰時話謝安琪係 B餐,徐濠縈係 A餐,仲將歌詞改做「眼睛張開竟是徐」。今日估唔到嘅係,眼睛張開竟然是 C餐——即係韓紅。好多人話:咁我寧願要徐喇……

快樂的愚人節

勢估唔到愚人節前後會發生咁多咁應節嘅事!先有亞視新聞無啦啦話王維基將會買入亞視股權,當大家坐定粒六等睇魔童發功時,先發覺原來一切都係王征嘅笑話,亦即係一個活笑話嘅笑話。愚人節當日,不單止王維基冇買到亞視,同一日政府仲宣布亞視將不獲續牌,網上忽然間出現好多小鳳姐,更有網民搵番亞視錯報江澤民死訊呢單嘢嚟惡搞。不過我娛文樂就冇你班友咁開心,因為亞視貴為我嘅笑話之源,少咗佢,每個星期都唔知寫乜好呀!

如果你想去________,你去巴士站就得?

唉,世風之日下,道德之淪亡,早幾日有內地生飲醉酒竟然喺理大門口當眾_______,仲被人拍下,最後警察殺到先識得着褲褲。不過我哋好客觀,其實唔可以怪佢哋,要怪就怪地產霸權,搞到佢哋連________嘅空間都冇!

鍾意就快D Share啦!