掃呢頁CODE去手機

2015年4月22日 星期三

惡太郭藹明趕出屋企 劉青雲:鬧親交都係我認輸 [FACE - 413] 劉青雲,郭藹明,青雲,MF,





向來都係跟得夫人嘅郭藹明,喺老公劉青雲第二次攞影帝呢個人生大事上,又點會唔現身呀!

封面

惡太郭藹明趕出屋企 劉青雲:鬧親交都係我認輸

被提名過 16次, 51歲劉青雲繼 07年憑《我要成名》獲得「最佳男主角」獎座後,週日( 19日)晚舉行的香港電影金像獎頒獎禮上,劉青雲憑《竊聽風雲 3》成功做多次影帝,真係吐氣揚眉!

劉青雲在頒獎台上嘅「太空船宣言」亦同時冧盡唔少女觀眾,至少台下嘅劉太郭藹明就聽到眼濕濕。模範夫妻人前恩愛,實情劉青雲對郭藹明又愛又敬,他就曾自爆每次鬧交都要做認輸嗰個之外,仲試過激嬲老婆而被趕出屋企,焗住去朋友家借宿一宵!睇唔出堂堂港姐冠軍的 47歲郭藹明,原來都係惡太喎!

靠參加大台藝員訓練班出身的劉青雲, 84年參演《新紮師兄》飾演 Fit佬一角開始為人熟悉,直至 92年演出最後一部大台作品《大時代》,令他認識老婆郭藹明(本週大台重播喇!)。二人拍拖 6年, 98年在香港結婚。

'92《大時代》初遇

劉青雲同郭藹明雖然喺 92年合作拍《大時代》,不過真正撻着其實係 93年。

電視畫面

'93周慧敏做媒人

92年周慧敏、劉青雲、郭藹明拍《大時代》令三人熟絡,翌年周慧敏仲做埋雞仔媒人撮合佢哋添!

網上圖片

週日( 19日)晚劉青雲憑《竊聽風雲 3》再奪影帝,而趙薇就憑《親愛的》第 1次做金像影后。

「太空船宣言」

週日( 19日)晚的第三十四屆香港電影金像獎,劉青雲飾演《竊聽風雲 3》的圍村佬陸金強而成功獲得「最佳男主角」,相隔 8年再攞影帝,劉青雲在台上講致謝詞時雖眼有淚光但仍不忘搞笑,「首先我要多謝我屋企人,我相信佢哋一直都有支持我,但係我幾肯定佢哋應該係瞓咗覺。」

而最後的一番「太空船宣言」更整喊坐在台下的老婆,「最後尾我要多謝我太太,每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球,多謝!」記者去慶功宴後問他,到底老婆點樣帶他安全返地球,劉青雲鬼馬說:「我唔講得畀你哋聽㗎!」

冧爆宣言



每次當我揸住隻太空船,飛到去宇宙唔知邊一度嘅時候,你總係有辦法,令我好安全咁返嚟地球。

雖然已經係第二次攞影帝,但確係好難平伏興奮之情,難怪講得出「太空船宣言」,冧盡女觀眾!

老公喺台上發表「太空船宣言」,老婆喺台下睇到又喊又笑。

大會搵嚟近排好 hit《 5個小孩的校長》的童星頒獎俾青雲,青雲即笑佢哋有冇認錯佢係古天樂。

去年 11月,未有工作在身嘅青雲,帶住老婆同埋家人喺中環食晏,勁有心。

98年劉青雲娶郭藹明,兄弟團就有吳鎮宇、黃秋生、黎耀祥、張達明仲有黃子華,姊妹團就全屬圈外人。

《蘋果日報》圖片

逢炒必賺

劉青雲做戲叻就梗,估唔到佢連炒樓都有一手!劉氏夫婦多年來買賣物業,全部有殺冇賠,勁賺超過 1,800萬!

「佢就係唔怕我」

98年已嫁俾劉青雲的郭藹明,婚後漸漸減少幕前演出,全職替老公理財,做劉青雲背後的女人。郭藹明曾在訪問中提到老公的脾氣其實好大,「脾氣最難遷就,早期唔知佢點解成日發脾氣,以為自己做錯,成日問點解?𠵱家知,佢性格剛烈,由佢囉!」堂堂一個影帝,有脾氣好正常喎!

「呢個世界冇白馬王子,所有嘢都要遷就及經營」,果然,郭藹明就經營出一個優質老公出來。劉青雲曾在訪問中提過,老婆在家比較強勢,他曾試過激嬲老婆仲被趕出門口,當晚惟有搵朋友借宿一宵,等老婆啖氣下咗,再打電話氹番老婆至有屋企返!而二人每次鬧交,到最後幾乎都係劉青雲認輸:「無辦法,佢就係唔怕我,遇上佢,我只能夠投降。」

古仔踩場狂隊酒

古仔去完吳君如《金雞 SSS》慶功,即急急腳去尖沙咀《竊聽 3》慶功現場,見到青雲二話不說即隊兩杯先!

兩個大男人傾到興起,嚟個擁抱先!

可能真係飲大咗,古仔離開餐廳時仲戴上口罩免醉貓樣上鏡囉!

有共識唔生 B


唔湊仔湊狗仔,劉青雲兩公婆有共識唔生 B,於是養狗仔貓仔喺屋企,有啲生氣囉!

圖片
劉青雲在 34歲時迎娶當時 30歲的郭藹明,結婚 17年間不時傳出郭藹明有 BB,至今郭已 47歲,步入高齡產婦期,劉青雲兩公婆已經有共識。「佢(劉青雲)想要大啲自由度,有好多嘢會因為有小朋友而放棄。女人去到某個階段都想,不過大家要有所妥協,如果我想,佢唔想,都唔得咁咪跟佢意思囉!」

而劉青雲亦公開講過:「我哋根本唔打算要小朋友,好珍惜二人世界,陪老婆行街市,享有一般人嘅生活。」

影帝做過兩次,據知劉青雲下一個目標係自己做導演拍電影,看來拍完下一部動作片的劉青雲,好有機會嗌 action喇喎!

愛妻語錄

佢學歷高(郭藹明係美國南加州大學機械工程學碩士),對我嚟講係件好事,我可以向佢學英文、學騎馬、學普通話,佢仲會修理電視機添!

有老婆陪喺身邊,是我最開心、最好嘅減壓方法。

平時同老婆鬧交,到最後都幾乎係我認輸,我讓佢,一來因為我英文唔夠佢好,二來佢根本唔怕我!

我哋早就講好,彼此有咩事都講出嚟,唔希望對方喺外人口中知道,呢個係我哋彼此信任嘅態度。

冇變過!  47歲郭藹明不老的傳說

女人唔補,好易老!事實上係有天生麗質囉,大家睇吓郭藹明就知。

91年參選港姐時個樣,同𠵱家陪住老公劉青雲行出行入個樣,其實真係無咩點變,除咗樣貌,最離譜嘅係佢連身材都 keep住係瘦,肥師奶? No way!

郭藹明 keep得咁好,可能同佢媽媽有關。郭藹明曾在訪問提過,「媽咪從事護膚品代理,從細媽咪會帶我去睇皮膚科醫生醫暗瘡,對我好揼本㗎!」加上近呢 23年,一直都有劉青雲喺身邊照顧住、愛錫住,天生麗質加上長年愛情滋潤,想唔靚都幾難呀!

'15 影帝夫人

keep住瘦腰

'14  47歲

跟得老婆

'11  43歲

街市買餸

'09  41歲

拍拖睇戲

'04  37歲

古裝

'01  34歲

客串 model

'98  30歲

嫁人

'92  25歲

《大時代》

'91  24歲

港姐冠軍
鍾意就快D Share啦!