掃呢頁CODE去手機

2015年4月13日 星期一

TVB抽水重播《大時代》 「唔聽話」艾威再現無綫 艾威,無綫,TVB,



【相隔18年】TVB抽水重播《大時代》 「唔聽話」艾威再現無綫

2015-04-13 19:47:00



大家又可以睇《大時代》喇。

最近個股市就好動盪,一班網民就組常貼出經典神劇《大時代》嘅cap圖出嚟,相信無綫見套劇咁受歡迎,所以決定抽下水拎返出嚟重播,喺播完《衝上雲霄》之後,就會於深夜時段播出《大時代》,到時未睇過嘅觀眾又可以觀摩下呢套神劇。

《大時代》嘅劇情入面有唔少爭議性嘅題材,好似有推人落街、又有影射四大家族,o依家嘅膠劇肯肯定冇呢啲情節,亦因為咁,無綫都唔係成日重播呢套劇,對上一次重播《大時代》,已經係1997年3月,即係18年前,o依家係相隔18年再重播!

喺《大時代》入面有唔少嘅好戲之人,好似劉青雲、劉松仁、鄭少秋等等,而當中仲有曾效力港視、成日讚港視又插爆無綫嘅艾威,當時艾威喺劇中,飾演暗戀藍潔瑛嘅警察李立光,本來佢o依家咁情況,一定比無綫雪住佢有份嘅劇集,不過o依家因為港股效應,觀眾就可以再喺無綫見到艾威喇!

今日我哋致電艾威,當佢知道係《大時代》重播嘅時候,佢就話:「咁正!」艾威表示呢套劇好經典,仲話:「仲有一樣好經典就係造型嘅時候先知換咗角色,本來係做丁蟹四個仔其中一個,本來係陶大宇個角色。」艾威仲話當年呢套劇係口碑好,但係收視就唔好,又大讚呢套係神劇。



當時艾威喺劇中,飾演暗戀藍潔瑛嘅警察李立光。





又可以重溫當年嘅金句。



鍾意就快D Share啦!