掃呢頁CODE去手機

2015年5月21日 星期四

拉姑四哥急召 栢芝帶仔返香港見霆鋒 [壹週刊 - 1315] 拉姑,謝霆鋒,霆鋒,謝賢,四哥,栢芝,狄波拉,M1,



問栢芝點同 Quintus過生日,佢話買咗 LEGO俾壽星仔做禮物,再準備咗啲氣球一家人食餐飯慶祝。

同你吟一吟

拉姑四哥急召 栢芝帶仔返香港見霆鋒

耐不耐會响香港出現嘅張栢芝,星期一(五月十八日)又突然現身中環 ifc,今次佢兩位公子 Lucas同 Quintus都有同行。

問三仔乸返香港搞乜?心情超好嘅栢芝有問有答:「我個仔生日,不過過咗,噚日就同爸爸慶祝,(專登請假?)請生日假,(有冇見爺爺嫲嫲?)你問番爸爸啦,不過應該有嘅!」

據二五講,一有時間就會飛上北京陪女友王菲嘅霆鋒,因為收到四哥同拉姑 order,要佢安排兩個孫返香港見面,加上 Quintus五月十二日生日,霆鋒於是打俾前妻,就算逃學,都要安排兩個囝囝返香港,等謝氏家族可以三代同堂慶祝。

父母各自有自己生活,栢芝亦承認 Quintus生日,爸爸媽媽要分開同佢慶祝,不過都係嗰句啦,無論大人嘅感情發生咩事,最緊要係唔好影響小朋友嘅成長生活啫!

媽咪要去 Apple Shop整電話,細佬 Quintus表現得悶悶不樂,要媽咪錫錫氹番。

高咗好多嘅 Lucas,坐電梯期間伸手捽媽咪手肩。

有香港 fans要求合照,栢芝來者不拒。

嫲嫲拉姑開到聲要見孫,霆鋒即刻做嘢,叫前妻栢芝同學校請假,帶兩個仔返香港。

鍾意就快D Share啦!