每年一度嘅「AKB人氣總選」已定6月6日舉行，附有投票表格嘅AKB48全新單曲《我們不戰鬥》今日開賣即錄得147萬張銷量，破盡日本唱片界嘅開賣首天紀錄，據知仲有狂迷為支持自己偶像，竟Call五部貨van載5,500隻碟返歸，認真誇張！
上屆冠軍渡邊麻友揚言望要成首位兩連霸一姐，可惜其走勢明顯減弱，主演日劇《戰鬥！書店女孩》又收視仆直，噚晚播出一集更跌至3.6%嘅收視新低。今日公佈嘅「第7屆AKB人氣總選」首日投票成績，渡邊麻友屈居第三位，票數不及指原莉乃同埋柏木由紀。
正所謂黑開有條路，網上最近流傳一張疑似係渡邊麻友嘅露點走光照，似係拍MV時被人偷拍，未知係移花接木，抑或係被有孌童癖嘅前高層野寺隆志當年偷拍嘅舊照，暫時都冇人可以求證。
|
鍾意就快D Share啦！
|
|
|
