| 林保怡經典角色多不勝數，為保「金漆招牌」，林保怡亦拒為五斗米折腰接拍爛劇。 | next 1/1 pre |
 | |
| 雖然有着處女座追求完美的性格，但在娛樂圈打滾多年的林保怡，已學懂要自我放鬆。 | next 1/1 pre |
 | |
| 凡事有兩面，戲內戲外的林保怡亦是兩個樣，但卻同樣的吸引。 | next 1/1 pre |
 | |
| 林保怡直言想返娘家無綫拍好劇過戲癮。 | next 1/1 pre |
 | |
| 林保怡覺得靠實力爭取得來的，才值得擁有，所以佢用心演好每個角色。 | next 1/1 pre |
 | |
| 出名孝順的林保怡，走出去年喪父陰霾後，決定以父母名義助養兒童。 | next 1/1 pre |
 | |
| 林保怡認為香港電視業集體水土不服，說時不無心痛。 | next 1/1 pre |
 | |
| 在金錢與夢想兩者之間，林保怡選擇追夢首試舞台劇，結果觀眾完場時的掌聲，給了他前所未有的滿足感。 | next 1/1 pre |
 | |
| 雖然要求高又認真，但林保怡的人生座右銘是每日都開心，或者，這才是平衡之道。 | next 1/1 pre |
 | |
| 林保怡主演劇集套套經典，有《大時代》。 | next 1/1 pre |
 | |
| 《天與地》 | next 1/1 pre |
 | |
| 《金枝慾孽》 | next 1/1 pre |
 | |
| 《妙手仁心》系列 | next 1/1 pre |
 | |
| 《鑑證實錄》系列 | next 1/1 pre |
 | |
| 《壹號皇庭》系列 | next 1/1 pre |
 | |
| 《讀心神探》 | next 1/1 pre |
 | |
| 嘗過拍劇的滿足感後，林保怡躍身舞台界，與戲劇大師鍾景輝合作舞台劇《李察三世》，讓他的人生又多了一個亮點。 | next 1/1 pre |
 | |
| 保怡笑指郭藹明若不是這麼快便嫁給劉青雲，她的演藝事業將會十分光輝，更有資格問鼎影后。 | next 1/1 pre |
 | |
| 葉德嫻（資料圖片） | next 1/1 pre |
處女座特質是追求完美。林保怡是典型的處女座，當年做葉德嫻的唱片助理，更令他律己到一個得人驚的地步。「記得好耐以前做唱片公司助理，當時試過幫葉德嫻手，好記得佢同我講一定要做好啲，唔好以為錯少少就冇嘢，到隻唱片出嚟發現冇得再改就麻煩，所以我哋對歌詞、邊個作曲、填詞都對得好仔細，但訓練到我依家嘅性格，唔好做錯。好多人叫我開公司做製片，但我驚自己control唔到啲嘢會發癲，因為我係處女座，事事要求完美，都係做番演員好過。」
力求完美拒認叻
「我嘅座右銘係每日都開心，人生苦短幾十年光景，好彩我有運氣做呢行，生活都OK，初時無心插柳試吓拍戲，我之後好認真對待呢份工作，唔覺得自己係明星，永不炫耀自己嘅工作。」
在《大時代》中飾演「陳滔滔」的林保怡，談到這套經典神劇即滔滔不絕，更指江毅叔和劉青雲，是他印象最深刻的演員。而談到青雲的賢內助郭藹明，保怡則笑指那麼快嫁給青雲是一種浪費。
「《大時代》個個都咁好戲，當中有兩個人令我印象特別深刻。第一個就係江毅叔。當時我第二年入無綫，仲係一個好新嘅演員，有人同我講江毅叔好惡，對對手好有要求，唯有背足對白一字不漏，好彩成功過關，江毅叔一句都冇鬧過我。」
爆青雲同女仔friend啲
「講《大時代》，點可以唔講劉青雲，我同佢嘅戲係最多，但拍呢套劇時大家都唔去到最熟，當時佢同啲女仔藍潔瑛、郭藹明friend，我哋要之後幾年，先慢慢做到朋友。記得拍《大時代》有場戲，我要拍到第二朝，青雲同我捱到五、六點，當時雖然唔係咁熟，但佢臨走前都問我食唔食早餐，可以睇到佢為人真係好好。」
撐郭藹明做影后
「仲有樣嘢真係要講，就係郭藹明咁快嫁畀青雲係好浪費！喺拍《大時代》時，我已發現郭藹明係一個純用直覺去演戲嘅天才型演員，我之後同佢喺另一套劇《奇情小男人》有更多對手戲，發現佢嘅演技係與生俱來，如果唔係咁早嫁畀青雲，佢可能已經攞影后。」
「依家我深夜一定會追睇番《大時代》，因為好多細節都唔記得，就係有種魔力令你溫故知新。有人問我點解《大時代》重播都咁收得，依家仲拍唔拍得番同樣水準嘅劇？我相信真係要有老闆肯花錢group番台前幕後精英，一個不漏再拍至得，如果真係開電影版，要我做番『陳滔滔』，要我半年淨係為《大時代》開工我都願。」
雖然與無綫已結束賓主關係兩年多，但林保怡仍十分感激舊娘家提攜：「講真如果冇無綫，今日林保怡就冇咁多粉絲去認同。因為佢哋仲係講緊《鑑證實錄》、《妙手仁心》、《壹號皇庭》、《天與地》，呢啲劇全部都係無綫劇，無綫係我出身嘅地方，佢哋搵我真係OK 。如果可以允許一啲獨立嘅製作公司去拍一啲有水準嘅劇，拍咗之後賣番畀電視台，受益會係香港觀眾，係好好嘅良性競爭。」
想回娘家過戲癮
雖然在外闖蕩搵得多，但熱愛演戲的林保怡仍很想返娘家拍劇，面對香港電視圈正在轉型，縱橫這個圈子多年的保怡，一針見血道出這個「大時代」的轉變。
「我喺無綫最後一套劇係《天與地》，好開心離開無綫前最後一套係呢套劇，之後就係我闖蕩江湖嘅時候，我覺得要用仲有嘅青春博一博，如果你唔去把握就永遠都唔會有機會。」
「平時微博好多人同我講睇番我做嘅無綫劇，好似《讀心神探》，甚至《金枝慾孽》，希望可以做番孫白颺（《金枝》角色），係我第一次演古裝，但都可以攞到個感覺，令觀眾睇得好舒服。所以我覺得劇本同角色係我第一個選擇，都好想返無綫過戲癮！」
嘆香港電視圈集體水肚不服
「電視業如同一間餐廳，好生意同唔好生意，係有原因，由食物素材到廚師，再到service，都好影響到生意，唔知點解食乾炒牛河一定係廣州好食過香港，點解呢？所以香港電視台嘅節目，唔係一日半日解決到好唔好睇嘅問題，可能係集體水土不服。」
拒拍爛劇：咁就輸晒
內地搵人民幣當然賺得多，但保怡並非下下都為錢，因為錢係搵唔晒，最緊要是對得住自己的心。
「了解我嘅朋友都知我唔會太過向錢看，記得當時未離開無綫，同時間有兩樣嘢搵我，一樣係樂易玲幫我接咗套大陸劇，同時King Sir（鍾景輝）嘅舞台劇《李察三世》又搵我，我衡量過決定唔要大陸拍劇嚿錢，我要試一試未試過嘅舞台劇。如果真係好計較錢的話，根本冇可能接套舞台劇，因為大陸嚿錢係大好多好多，但我覺得喺我演藝生命入面要多嘗試，仲要同King Sir一齊演，真係好想跟住佢學習舞台劇，一做就做咗11場，每次完場出嚟接受掌聲，係做電視同電影畀唔到嘅喜悅。如果呢幾年真係要爛拍的話，我可以搵好多， 但可能會有人話：『林保怡乜你拍埋啲咁嘅劇！』咁我就輸晒！」
「我知大陸拍劇啲電視台出手好闊綽，隨時會擺架跑車喺你面前叫你揸走，但我覺得拍戲唔係咁樣，要自己賺嘅錢買番嚟先開心，除咗粉絲送啲小禮物畀我，一切要靠自己爭取，尤其我呢啲唔係太靚仔，一定要靠實力，話畀人聽你係用心演每個角色，嗰時同戚其義合作，拍《珠光寶氣》直情開心到癲！」
後記：以父母名義行善
保怡愈來愈懂得享受生活，呷杯凍檸茶，笑看風雲滔滔不絕。去年林父離開人世，身為兒子在哀痛過後重拾心情，明白幸福不是必然：「我好接受生老病死，爸爸年紀真係大，要走都冇辦法，傷心過後要重組自己生活，嚟緊我會用番我爸爸媽媽個名助養兒童，雖然唔多，但希望再助養多四個！」施比受更有福，原來，保怡早已知道。
|
鍾意就快D Share啦！
|
|
|
