《大時代》集體出土 終於等到藍潔瑛復出 [FACE - 416]MF, 大時代, 藍潔瑛,

「玲姐」接受 now觀星台訪問，唔認自己當年靚絕五台山，不過化番妝，都仲係好省鏡。

全知言

《大時代》集體出土　終於等到藍潔瑛復出

好嘢喇喎，就講多幾嘢、洗多幾次版都唔怕厭，冇錯，又係《大時代》！鬼叫大台啲新作想搵個人講下都冇咩！

神劇即係神劇，仲係有能耐帶契班演員再做話題人物。但見到人人有工開，唯獨「玲姐」藍潔瑛接受 now觀星台梁榮忠訪問，曾經靚絕五台山，𠵱家住公屋單人戶、攞綜緩仲要個個月等人接濟，你都咪話唔心噏。

不過由日日無所事事，行落去赤柱大街呆坐扯煙，到今次肯化番個靚妝，面對番鏡頭，總算係個好開始。嗱！玲姐肯復出，一定大把人想睇！

講番當年拍《大時代》，玲姐自爆韋家輝唔滿意佢個經典校服 look，要重拍。電視畫面

「益蟹」陶大宇就做咗有線《我愛煮食男》主持，講到《大時代》可能拍電影版，就話有得拍，角色奀啲都唔怕。

雖然經濟環境麻麻，不過早前《 FACE》發現藍潔瑛乖乖返精神科覆診食藥，精神大有進步。

「孝蟹」同「方敏」一齊接受梁思浩訪問， 51歲邵仲衡話傾緊新劇，楊羚復出機會就極微。

鍾意就快D Share啦！

下一篇 》