掃呢頁CODE去手機

2015年5月13日 星期三

邊個美魔男 keep得最 fit? [FACE - 416]



全知言

邊個美魔男 keep得最 fit?

唔係女人至怕老㗎!男藝人一樣會老會皺皮,之但係世界係唔公平,硬係有啲男藝人好似冰封咗唔會老咁,睇下最近《大時代》班蟹仔變咗蟹佬,一樣咁活躍就知

全知言即管問吓大家覺得邊個男藝人最 fit,估唔到謝安琪嘅答案唔係老公張繼聰,而係……

谷德昭 華哥永遠 fit

60歲《蘋果日報》圖片

我覺得華哥任達華好 fit!永遠都咁 fit!(你覺得華哥可唔可以做番廿零歲嘅角色呢?)即係點?着住校服扮 F.5咁?又好似誇咗啲!哈,《那些年》嗰啲咁樣呀?其實 fit嘅意思,我諗唔係夾硬返老還童,係咩歲數散發一種咩嘅味道啦,同埋個人輕鬆囉!

謝安琪 一定係鄧梓峰

一定係輕輕鬆鬆鄧梓峰,因為 keep到皮膚、 keep到身型當然係勁! keep到個心態係更勁!我噚日至喺菲律賓撞到十郎(鄧梓峰),我覺得佢比巴斯光年更加長青呀!(點解唔係張繼聰?)輕輕鬆鬆都可以擺落張繼聰度嘅,點解我會揀十郎呢?因為十郎喺我 10年前入行同𠵱家都一樣嘛,但張繼聰比 10年前嘅張繼聰係多咗好多肌肉啦,同埋好多嘢都有進步!但係講 keep吖嘛,咁佢由𠵱家開始 keep就啱喇!

54歲《蘋果日報》圖片

盧凱彤 安仔腹肌硬

我覺得係許志安,因為佢啱啱開完紅館演唱會,梗係 keep得最 fit,佢嗰 6嚿腹肌……應該好硬!

47歲《蘋果日報》圖片

林二汶 古仔冇老到

Keep得最 fit嘅男藝人係古天樂,因為由睇電視到睇咁多電影,佢都係冇老到,一樣係咁靚,一樣係咁 fit。冇同佢合作過,希望有機會(做情侶?)太搞笑喇!希望可以做佢個妹

44歲《蘋果日報》圖片

街坊讚男神黃子華

黃子華因為佢身形好 firm,佢五十幾歲,佢楝篤笑同最近個廣告都有睇,見到佢都想同佢傾吓偈。

孫先生

54歲

少爺占啦佢最 fit!冇乜脂肪,幾好唔錯!年紀有番咁上下都唔錯( 38歲已經好老?!),行街有撞過佢,佢太 fit唔夠膽行埋去。

李小姐

38歲

應該係羅仲謙,大隻囉!而且個樣都冇乜點變,都係咁後生!做戲都 ok嘅,電影就冇睇,電視劇就有。

黃小姐

31歲

知無不言 言無不盡 我係全知言

鍾意就快D Share啦!