掃呢頁CODE去手機

2015年6月5日 星期五

又黐姣思貝 羅仲謙未知驚 [忽然1周 - 1036] 羅仲謙,MW,



戲裏戲外,蔡思貝嘅視線都離唔開大隻謙。

媽咪姐

又黐姣思貝 羅仲謙未知驚

男人最叻係乜?計媽咪姐話,咪身痕同善忘囉!嗱,好似有「大台發電機」之稱嘅蔡思貝有幾惹火,係人都知。誇張啲講,差唔多全台後生少少嘅男藝人都同佢傳過緋聞。之前羅仲謙同佢拍《衝線》嗰陣,都玩得好埋㗎,連正印楊怡都聞到狐味,「嗱嗱聲」去監場睇實,先幸保不失咋!

不過呢,早兩日阿大隻謙似乎又忘記咗「非禮勿動」呢個人生大道理嘞!見佢早幾日同蔡思貝、湯洛雯及陳瀅拍新劇《潮流教主》嗰陣,初頭仲乖乖哋自己企埋一邊睇劇本補吓妝。之但係,拍拍吓就見大隻謙同蔡思貝傾到鬼咁 happy,傾傾吓仲一齊喺便利店入面搞呢搞路,鬼咁有默契!隔籬嘅湯洛雯同陳瀅好似搭枱咁囉。

不過羅仲謙都好精嘅,啱啱就公開大讚女友楊怡唔使再 keep fit:「佢已經好 fit,比例好好。」知就好人哋仲連樓都買埋咁叻女,你要好好珍惜人,咪再亂嚟!因住俾電電死你呀。

戲裏戲外,蔡思貝嘅視線都離唔開大隻謙。

齊齊執

拍劇嗰陣,羅仲謙要拎住大堆零食,一嗌 cut,蔡思貝會幫佢一齊擺番好,好 sweet!

蜜蜜傾

未 roll機,大隻謙又忍唔住同蔡思貝傾偈。不過臨埋位,仲揸實劇本,記性真係差少少囉。

蔡思貝之前喺中環怡和大廈拍戲俾保安驅趕,不嬲冧到男人嘅佢,面都黑埋。

呢晚主力拍淋雨戲,大隻謙淋住雨衝入便利店,型呀!至少蔡思貝覺得係。

當唔使埋位嘅(右起)湯洛雯同陳瀅玩緊 selfie,蔡思貝就眼定定望住羅仲謙衝入嚟,連陳瀅都忍唔住笑佢。

之前湯洛雯都喺中環拍淋雨戲,成身濕晒踎喺地都笑晒口。俾大台雪完,果然乖晒!

蔡思貝都要淋,但佢冇湯洛雯淋咁耐,個妝仲好 sharp。

鍾意就快D Share啦!