掃呢頁CODE去手機

2015年6月5日 星期五

鄭嘉穎扮 Cute冧陳凱琳 [忽然1周 - 1036] 凱琳,鄭嘉穎,嘉穎,陳凱琳,MW,



人少少影相,鄭嘉穎成個人挨落陳凱琳度,幾 sweet!旁邊着白衫嘅阮兒睇嚟見慣晒喎。

媽咪姐

鄭嘉穎扮 Cute冧陳凱琳

曾幾何時,鄭嘉穎「屈佘」載住佘詩曼,半路撞見媽咪姐,就即駛埋一邊踢阿佘落車。呢個咁經典嘅畫面,媽咪姐到依家仲好記得㗎!

不過鄭生依家都 45歲,係時候踏入人生另一階段,睇佢冇以前咁有戒心,就知年紀大咗,冇咁執着好似一直唔認「父女戀」嘅佢,趁住新劇《殭》煞科宴,明知好多人在場,都要好高調咁送陳凱琳返屋企。又預告嚟緊要返大陸拍劇,叫大家俾多啲空間佢哋:「總之多謝關心,食吓飯先啦。」

媽咪姐唔急,係都四張幾嘅鄭生急啲,見佢趁冇乜人就自動波黐實陳凱琳,仲扮 cute詐嬌㖭。咁陳小姐嫩口又富貴,又係要加多兩錢肉緊嘅!

《殭》劇仝人合照嗰陣,鄭嘉穎特登坐到最開,刻意同陳凱琳保持距離。

之前點都唔認「父女戀」,但去完煞科宴,轉場唱 K陳凱琳係跟鄭生車囉。

扁嘴詐嬌

鄭嘉穎自拍受傷樣擺上網,仲問要「打幾耐」,網友普遍冇同情佢,反而取笑佢「向小女友撒嬌」。

鍾意就快D Share啦!