掃呢頁CODE去手機

2015年6月8日 星期一

疑借醉求婚 鄭嘉穎送陳凱琳心型鑽戒 凱琳,鄭嘉穎,嘉穎,陳凱琳,





其他影片:>>






45歲嘅鄭嘉穎同23歲嘅陳凱琳因為拍戲撻著,雖然同大家講話係「好朋友」,又要「俾啲空間」,但係上個月劇集《殭》搞煞科宴,就爆出鄭嘉穎向陳凱琳求婚!

有報導就話上個月煞科宴,鄭嘉穎同陳凱琳同場,鄭嘉穎就似足新郎哥咁滿場飛,周圍敬酒,報導仲話鄭嘉穎同陳凱琳兩個全程都孖公仔咁,鄭嘉穎仲成個人挨埋陳凱琳身上。

睇番當日嘅情況,鄭嘉穎對眼全程望實陳凱琳,咁又係嘅,因為有位男同事搭一搭陳凱琳個膊頭,鄭嘉穎當然係要肉緊啲望實。之後兩個人上埋同一架車去下場唱k,落車嘅時候,鄭嘉穎就急急腳冇理陳凱琳就走咗入去,扮到似係前後腳,點知原來佢企定定等埋女方先行入去!

報導仲話當晚大家唱緊K,鄭嘉穎醉醉地,就熄MIC兼拎個紙袋出來,原來個紙袋入面有個戒指盒,鄭嘉穎之後就打開個戒指盒,拎咗隻心形鑽石戒指遞比陳凱琳! 報導仲話陳凱琳當時好冧,仲即刻帶上手! 咁高興,難怪陳凱琳返屋企嘅時候,開心到係咁同記者講拜拜。咁啱之後陳凱琳出席活動時候,右手又真係多咗隻心形鑽石戒指喎!

真係想唔到二人嘅關係已經發展到好似坐火箭咁快!

鍾意就快D Share啦!