熱爆娛樂: 走出胰臟瘤陰霾　黎瑞恩連環睇大埔豪宅 [忽然1周

2015年7月31日星期五

走出胰臟瘤陰霾　黎瑞恩連環睇大埔豪宅 [忽然1周 - 1044] 黎瑞恩,MW,

7月 6日

黎瑞恩最近密密睇大埔樓，繼 5月豪擲 4,700萬買特色單位後，本月 6日再次現身天賦海灣二期睇樓。

滾熱辣

走出胰臟瘤陰霾　黎瑞恩連環睇大埔豪宅

正所謂「福無重至、禍不單行」，黎瑞恩去年被爆老公在內地包養小三，年中她親口承認搞離婚，上周她再自爆胰臟生瘤。

黎瑞恩諸事不順又有疾病纏身，不過她並未放棄，反而積極面對人生。最近她更得到密友鄭應南教路，繼早前重鎚出擊豪擲 4千 7百萬買豪宅後，上月 22日本刊更獨家發現黎瑞恩親身到大埔林村一間地產公司，查詢有關「大美督 222」豪宅資料。數日後，她在三個地產經紀陪同下，到「天賦海灣二期」睇樓，似乎有意再入市。

九十年代紅極一時的黎瑞恩， 96年突然決定息影轉職做保險， 6年後更與曾憲梓三兒子曾智明結束愛情長跑。婚後二人育有一仔一女，惟夫妻關係僅維持 11年。

去年中黎瑞恩接受訪問親口承認搞離婚，及後更有傳她每月收 20萬贍養費。自離婚後，有指她火速結識「免稅店大王」鄭應南，一度與前夫反目，至近月黎曾二人關係才緩和。

5月證實胰臟生瘤的黎瑞恩，唔單止冇放棄，更積極面對。月初大打友情牌向好友借位於赤柱舂坎角的豪宅拍攝清談節目，為復出打響頭炮。

當日黎瑞恩由 3位地產經紀及一名女友人傍實，到天賦海灣二期睇現樓獨立屋，認真大陣仗。

天賦海灣二期位置臨海，有數座獨立屋，放盤彌足珍貴。

6月 22日

大美督 222共建有 33座，當中包括超過 2,000呎獨立屋，市價均過千萬。

黎瑞恩鍾情大埔獨立屋，除了天賦海灣之外，上月尾（ 22日）本刊記者發現她戴上口罩，單拖到大埔林村的地產公司查詢。

每三個月覆診

好景不常， 5月黎瑞恩因為腸痛而做身體檢查，發現胰臟有兩個一點五厘米的良性瘤。知情人士說：「佢因為腸痛去做 body check，點知條腸冇事，但係胰臟有兩個瘤。雖然話就話係良性瘤，但呢啲嘢喺身體入面都係唔好。原本都想開刀割，但係其中一個瘤連着胃、十二指腸同肝好多器官，如果要切，每個器官都要切三分之一。佢諗過都係唔做手術住，醫生話依家呢個情況冇藥食，最多都係三個月 check一次。今日唔知聽日事，佢原本打算今年就俾仔女去英國讀書，但依家暫時 hold住！」

4,700萬先購三單位

面對腫瘤威脅，她仍正面面對。據知她比以前更加積極去買磚頭投資，為未來做準備， 5月她已經豪擲 4,700萬買了三個大埔天賦海灣二期豪宅。最近她又復出做清談節目，月初就向好友借用位於赤柱舂坎角，一間擁有十六間客房的超級豪宅作拍攝場地。知情者說：「邊個會咁大手筆，肯借間超級豪宅出嚟拍嘢吖，肯定係好好嘅朋友啦。拍完仲成班人喺嗰度打邊爐，小恩子十足十女主人咁。」

據知鄭應南近月教了黎瑞恩不少投資之道，雖然黎本身租住比華利山別墅，但不時在鄭擁有不少單位的天賦海灣一期屋苑出入。

7月 6日

黎瑞恩購買的天賦海灣二期單位快將入伙，本月 6日她睇完樓，與大女曾凱栭一齊到沙田商場睇家具。

黎瑞恩與女兒感情不錯，十指緊扣拖到實，其間她又不時以微信留言，不忘與友人保持溝通。

離開時黎瑞恩接受記者訪問，雖然未有談及生胰臟瘤一事，但坦言仔女暫時不會出國留學。

經紀再陪睇樓

黎瑞恩早前購入的天賦海灣二期 12月入伙在即。上月 22日，本刊發現黎瑞恩在大埔林村的地產經紀公司向職員指手畫腳，查詢附近新盤「大美督 222」。至本月初（ 6日），她在三名男地產經紀陪同下到天賦海灣二期睇樓，似乎她有意再在同區入市。

之後她就與大女曾凱栭，到沙田商場睇家具，打算為新居布置。離開時黎瑞恩接受本刊訪問，不過她避談睇樓一事：「係我朋友嘅公司開張，我係去 say個 hello啫！（之前買嗰三個單位係咪自己住？）自己會住一個。（仔女會唔會出國讀書？）暫時唔會，諗吓先！」