全城熱爆的娛樂八封新聞 & 時事趣聞 & 生活 + 趣聞
林保怡撇甩大台後，就返咗強國搵人仔，早排忙完電影《太平輪》就返咗嚟香港攤唞。早兩日，見到佢一支公揸住架新簇簇、價值四百幾萬嘅林寶堅尼去咗南灣跑步，真係又豪又威威呀﹗不過話時話，今時今日搵埋唔少人仔嘅林保怡，應該大魚大肉先係，但原來世事無絕對嘅！呢日見佢跑完一個 round左右就返番起跑點，起初以為佢揸車去嘆番個靚 tea啦，噢，錯晒，原來佢以白開水送麵包咋。估唔到林保怡食嘢可以咁 dry。不過 dry有 dry好處，大家睇吓保怡身形，啱啱 50歲嘅佢，身形 fit過好多廿零歲嘅「小鮮肉」呀﹗
林保怡喺《太平輪》入面飾演宋慧喬表哥，上周三（ 22號）出席喺北京《太平輪》發布會時，同喬妹以表兄妹相稱㖭！
林保怡近呢幾年搵唔少人仔，所以幾個月前就買咗呢架林寶堅尼獎勵自己。靚車送方包，型！
睇吓， 50歲嘅林保怡，一啲贅肉都冇，身形 fit到呢！
林保怡食嘅唔係肉鬆包，亦唔係腿蛋包，只係連牛油或 jam都冇滴嘅白方包，再加支礦泉水咋！
