掃呢頁CODE去手機

2015年7月29日 星期三

有肚冇 B  10月巡唱唔生住 謝安琪肥咗變有咗 [FACE - 427] 謝安琪,MF,



週日( 26日), Kay獨自揸車外出,期間只見 Kay着上全黑裙來掩飾圓潤身軀。

真面目

有肚冇 B  10月巡唱唔生住 謝安琪肥咗變有咗

麥浚龍( Juno)與謝安琪( Kay)合唱的〈羅生門〉,上週三出籠即被網民日谷夜谷一夜變神曲,不足一星期點擊率已突破 140萬,相信連謝安琪自己都估唔到。

人妻 Kay氣勢勁 keep,不過早前發福不少的她,搞出大肚疑雲。查實 Kay今年 10月將舉行巡迴演唱,開騷在即根本冇可能懷孕。至於 Kay點解脹卜卜,原來又關大台事囉!

上週一( 21日)晚, Kay跟老公張繼聰及仔仔張瞻一家三口欣賞香港甲一籃球比賽時,因身穿外套兼且面圓圓,期間還全程以手袋遮肚,十足大肚咁款,外界即傳佢再添喜!

現雙下巴

外出期間, Kay先到大埔中心探父母,在㩒大門密碼時,不慎凸起的小肚腩和現雙下巴。

上週 Kay跟老公張繼聰及仔仔張瞻一齊去睇籃球賽,期間心廣體胖的 Kay不時坐下遮肚,惹起大肚疑雲。《蘋果日報》圖片

鬆身裙平底鞋

週日( 26日)下午,謝安琪獨自由大埔比華利山寓所駕車出大埔中心探父母,之後再外賣珍珠奶茶,一身黑色鬆身直長裙,加上又穿上平底鞋,難免令人有大肚錯覺!

但其實人妻 Kay孕味濃得個樣,據知 Kay兩個多月後便將展開巡迴演唱會,現時已進入作戰階段,首站將會是上海或澳門。除演唱會外, Kay還趕在演唱會前推出一張國語唱片,根本完全沒有時間去實行造人計劃。雖然 Kay的老公張繼聰亦曾表明想 Kay追多一個女,跟大仔張瞻湊成一個「好」字,可惜張生得個諗字!

雖然圓潤咗,但 Kay依然唔戒口,還叫外賣珍珠奶茶返屋企慢慢歎。

Kay與 Juno合唱的〈羅生門〉大熱,由上週推出至今,點擊率已突破 140萬,還被捧為神曲。

狂食減壓

對於懷孕傳言, Kay就話冇乜好回應,現時要集中搞國語專輯及巡演。

至於 Kay點解突然暴脹,話說早前 Kay拍大台新劇《殭》時日夜趕戲,拍劇壓力大又辛苦,待今年 6月拍完《殭》後, Kay即狂食嘢來減壓,就係咁肥咗唔少。而早前 Kay原本要影巡迴演唱會海報,最後要延期,等佢減咗肥先再影。對於肥咗變有咗的猜測, Kay用短訊回覆本刊:「都唔係第一次有呢啲報導,我現在集中精神準備面前的新國語專輯及巡迴演唱會。」

高登女神又選喇!

女子組合 Super Girls近期冒起, 5人中有 3人包括 Heidi、 Yanny及 Aka成為今年高登女神大熱。網上圖片

人妻 Kay一直超受高登巴打歡迎,之前 3屆高登女神選舉, Kay亦以大比數拋離對手,榮登女神寶座。話咁快又來到第 4屆,雖然有唔少高登巴打認為 Kay贏硬,為避免賽果一面倒冇新意,遂發起公投決定 Kay今屆可否再參加,但最後 Kay亦獲巴打支持成為候選女神。

不過今屆高登女神投票由 7月 12日開始至今,暫時以陳瀅大熱,而 Super Girls的 Yanny、 Heidi及 Aka亦深受高登巴打歡迎,今屆有惡鬥呀

Kay隨時 4連霸

憑《 4個女仔 3個 bar》上位的陳瀅亦成為高登巴打新寵,隨時跑出做女神冠軍。網上圖片

回顧前 3屆成績, Kay均以大比數成為高登女神冠軍。

鍾意就快D Share啦!