掃呢頁CODE去手機

2015年7月29日 星期三

冇戲交 岑麗香一句對白狂 NG 洪永城怒插:咁咪唔 natural囉! [FACE - 427] 岑麗香,洪永城,MF,



洪永城捉住岑麗香對稿,夢遊片場的香香冇癮扁晒嘴!

真面目

冇戲交 岑麗香一句對白狂 NG 洪永城怒插:咁咪唔 natural囉!

大台人才嚴重流失,孭得起劇的小生花旦冇幾個留低,連胡杏兒都決定離巢走人,惟有硬推未夠班的小花上位。

近日大台開新劇《實習天使》,主角竟然係洪永城、吳若希同岑麗香,卡士弱到嚇死人!論演戲資歷,華姐出身的香香理應佔優,估唔到早前拍一場沙灘鬧交戲,一句「你仲係咪人嚟㗎?」竟然狂 NG 6次,連出名好脾氣的洪永城都要鬧香香冇演技:「你咁咪唔 natural囉!」

放飯時,洪永城追住香香閙,仲手口並用好勞氣!

一場戲 NG 6次,洪永城嬲到黑晒面!

大台愈走愈多人,連香香都有機會喺倉底劇《無雙譜》做女一。

好服侍

洪永城係余詠珊愛將,拍外景都有女助手貼身服侍,連鏡都唔使自己揸。

身兼 09年溫哥華華裔小姐及 10年國際中華小姐冠軍的岑麗香,早於 12年開始拍劇,前年更獲「飛躍進步女藝員」,可惜演技仲未夠火喉,明顯孭唔到飛。

香香零表情

早前( 18日),香香到屯門燒烤場拍新劇《實習天使》,同劇有洪永城、吳若希及劉珮玥,其中一場講洪永城負責進行特訓,要求香香等人紮木筏,但香香搞對抗拒絕。劇本要香香講三句對白,簡單幾句,但香香完全入唔到戲,冇表情冇感情,足足 NG了 6次,導演先勉強收貨,難為同佢做對手戲的洪永城,三十幾度高溫下陪企,嬲到黑晒面!

背心女助手又遞水又拎嘢,好在洪永城識得自己擔遮,冇話使死人。

追唐詩詠終於得手,事業又愈做愈好,洪永城有望極速上位做一線。《蘋果日報》圖片

中英語喪插

背對白唔夠熟,又唔肯行埋一邊培養情緒,香香等埋位時掛住同劉珮玥自拍,又周圍撩工作人員傾偈;後來洪永城拉香香對稿,但香香又極唔專心,左望右望,仲同沙灘泳客打招呼舉 V,似放假多過開工!

忍無可忍,好好先生洪永城終於發火,趁放飯時鬧爆發夢香香,「你係刻意、好刻意去做(戲), it’ s not a natural movement of the words! Understand what I say?」激動到雙語廣播發炮,睇怕香香有排受喇!

吳若希孤獨精

負面新聞一單接一單的吳若希,有份同香香一齊拍《實習天使》,但外景當日全程做獨家村,同其他人近乎零交流,莫非升咗呢住豪宅就唔識人?

玩電話

等埋位時, Jinny掛住㩒電話,當身旁的吳沚默透明。

吹風扇

一 cut機,即刻行埋一邊吹港女至愛的芭蕉扇。

睇 playback

拍完一場戲,自己一個行去睇 playback,冇同其他演員傾偈交流。

鍾意就快D Share啦!