現年39歲的韓君婷97年當選亞姐冠軍後，在娛圈打滾多年於2010年到新加坡幫大哥打理電子生意。到近日她回流香港，5月時才出席亞視A記同學聚會，跟羅霖、繆非臨和張文慈等近300名台前幕後亞視舊人聚會。到昨日她又應邀跟黃日華囡囡黃芷晴，到觀塘apm商場擔任嘉賓，現場見韓君婷的容貌跟兩個月前有所不同，不單鼻翼收窄鼻頭變得有肉，整體臉貌有明顯改變，惹來變臉疑雲。
韓君婷稍後接受電話訪問時說：「冇做過Botox，亦冇整容。你話變好睇咗應該係化妝改變，你知我鬼妹樣，呢幾年睇多咗雜誌研究番可以點化令自己冇咁鬼妹，今日條眉劃唔同咗，個樣望落四正啲。」她透露令自己容貌改變，是因為年多前在新加坡不慎滑倒令鼻骨歪了，她說：「你知新加坡成日落雨，有日落完自己唔小心仆落地整親。」她表示當時是正面落地，導致鼻骨變型，看醫生單是拉直鼻骨的手術費加住院費就要5萬新加坡元（約29萬港元），她表示覺得沒需要而且太貴：「好貴呀，我覺得又冇任何影響，所以冇做到手術。」
而在觀塘活動上，韓君婷受訪時曾表示香港生活較合適，她說：「我喺新加坡長大，離開咗十幾年，之後再返去，經過體驗我適合香港多啲。今次返嚟暫時未諗幾時離開，家見工搵嘢做，返娛樂圈都有人問過我，都唔排除，我都鍾意做節目。」她笑言香港吸引的地方是有冬天，新加坡好多時早上返工，未到下午已經全身濕透，又謂自己合適擔任旅遊及飲食節目的主持，也喜歡拍劇，最重要是希望多些人知道她回歸香港。
感情生活方面，韓君婷透露暫未有男友：「如果話冇人追咪好冇面，我全部精神放入工作，工作上認識嘅全部都係工程師同廠佬，10個有12個結咗婚，個個年紀大到要我叫uncle。講到拍拖我媽問過我好多次，佢都好明白，o依家佢都放棄咗，2015年做女仔可以有自己嘅生活。」
| (攝影:陳俊強) |  韓君婷個樣遠睇都唔多自然... |  皮膚極繃緊 |
 鼻樑直頭歪咗... |  |  側面輪廓都極不自然 |
|
鍾意就快D Share啦！
|
|
|
