掃呢頁CODE去手機

2015年7月14日 星期二

溫家偉掟百萬 秘製雪糕冧吳若希 吳若希,溫家偉,



溫家偉自家雪糕三明治店即將開業,Alan落舖睇裝修,跟到好足,笑言已經為吳若希秘製了玫瑰味雪糕,絕對無敵。

next 1/1 pre

溫家偉研究消防喉。

next 1/1 pre

溫家偉檢查天花板。

next 1/1 pre

溫家偉研究如何舖地板。

next 1/1 pre

溫家偉計算雪糕櫃攞位。

next 1/1 pre

溫家偉指天篤地問長問短。

next 1/1 pre

遇上好友吳家樂,溫家偉點都捉住佢吹番陣。

next 1/1 pre

《好報》拍得溫家偉帶吳若希食糖水。

next 1/1 pre

「大隻仔」溫家偉(Alan)的自家雪糕三明治店即將在本月18日開張,投資了近7位數的雪糕三明治店名為「Stacks Ice Cream(層層疊)」,日前《東網》獨家拍到他親自到旺角舖位視察,更巧遇外出為仔仔買玩具的吳家樂,兩人趁機寒暄一番。

Alan因好友吳若希(Jinny)減肥辛苦,日前被《好報》拍得帶Jinny食糖水慰勞對方。問會否為Jinny專門炮製「健康」雪糕?Alan邊傻笑邊賣花讚花香說:「其實我哋全部雪糕都好健康,哈哈!(Jinny有冇畀意見你?)有呀,我改咗個菜單好多好多次!第一次整畀佢試,佢覺得奶味太重,鍾意奶味嘅朋友會好鍾意,但有啲人好似佢咁就未必接受到,我就改良咗令奶味淡番少少,減咗之後令更多人啱食,好多謝佢畀呢個Suggestion(建議)我!(關係會唔會更進一步?)唔知將來有定冇啦,不過唔係依家呢一刻,自己第一次開舖,先知咁多嘢搞,真係好忙!」

望與Jinny合資打天下

他又透露「玫瑰味」是專為Jinny研發的口味:「香港比較少有!之前我有問佢想食咩味,佢淨係答雲呢嗱、朱古力,我叫佢畀啲挑戰我佢就話玫瑰味,因為佢鍾意啲雪糕清清哋,整咗出嚟佢真係好鍾意。」

問會否叫Jinny合資,以「情侶檔」拍住上愈做愈大時,Alan又再傻笑說:「叫佢入股真係可以考慮,情侶檔就唔會喇!哈哈!亦可以簽佢做代言人,代言價就請佢食一世免費雪糕囉!」

鍾意就快D Share啦!