【求婚到依家啱啱6個月】章子怡再傳懷孕 仲有咗6個月？
2015-08-23 20:25:00
自從同汪峰拍拖，就不斷傳出結婚大肚嘅章子怡，早前就索性以大肚造型現身電影記者會。
今日就再有內地傳媒報道，話有「知情人士」爆料，章子怡真係有咗喎，根據內地《新浪娛樂》指，章子怡已經有咗6個月。6個月？計一計數先，今年2月汪峰就向子怡求婚，2月到依家8月，啱啱就係6個月，唔通求完婚就立即不設防？
而子怡嘅微博喺20號其實都有更新，當時佢仲出席緊活動，雖然著住鬆身衫，但點睇都唔多似有咗6個月喎!
早前就為電影扮大肚。
內地網開始傳出章子怡懷孕的消息。
