2015年8月10日星期一

韓國觀眾嚴選十大恐怖片《姊魅情深》最驚嚇

【韓流】韓國觀眾嚴選十大恐怖片《姊魅情深》最驚嚇

2015-08-10 08:00:00

韓國人每年出產多部電影，除咗劇情片、浪漫喜劇之外，佢哋都好鍾意睇鬼片，當中亦都有唔少水準之作。而唔少觀眾都唯獨愛睇鬼片，貪鬼片夠刺激，有時最驚嚇嘅鬼片唔係靠隻鬼突然撲出嚟來嚇人，反而氣氛音樂配搭埋先夠驚嚇。今個月27號就係鬼門關大開嘅日子，大家可以睇鬼片應吓節，而韓國觀眾亦為歷年嚟出色嘅鬼片評分，當中由文根英同林秀晶主演嘅《姊魅情深》就被評為最驚嚇。

由林秀晶同文根英主演嘅《姊魅情深》於2003年上映，劇情係講林秀晶同文根英飾演一對姐妹，有日佢哋被父親帶到郊外別墅住，不過佢哋就唔多鍾意住喺別墅嘅繼母，文根英成日喺半夜都見到鬼，身為姐姐嘅林秀晶知道一切都係繼母做造成，直到有一天佢父親同佢講出真相…..呢部電影韓國觀眾評分為8.69分(最高為10分)。

排第二位係由甘宇成主演嘅《R高地》，觀眾評分為8.69，呢部電影嘅發生地係在一場戰爭中，於1972年嘅越南戰爭中，甘宇成所在嘅部隊喺一場戰爭中全部被殲，僅得佢一個人生還，不過甘宇成成日被噩夢所折磨，此時卻突然傳來原本已陣亡嘅士兵持續發來嘅求救訊息，甘宇成於是再帶部隊前往搜索，恐怖嘅事就由此展開。

而第三位就喺1999年上映嘅《女高怪談2：鬼戀人》，電影由湯唯嘅老公金泰勇執導，並由李英真、朴藝珍主演，觀眾評分為8.36分，故事講一個普通嘅高中女生，一次執到一本日記，令佢發現日記主人就係自殺身亡嘅女同學朴藝珍，接下嚟不幸嘅事件就正展開。

排第四位至第十位就分別為：

第四位：《不相信地獄》主演南相美、沈恩京等，觀眾評分7.88分。

第五位：《突然有一天之三-D-day》主演劉浩琳、金莉娜等，觀眾評分7.64分。

第六位：《時失里2km》主演任昌丁、權正中等，觀眾評分7.63分。

第七位：《奇談》主演金寶京、陳久等，觀眾評分7.47分。

第八位：《突然有一天之2月29日》主演朴恩惠等，觀眾評分7.42分。

第九位：《殺人漫畫》主演李詩英、嚴基俊等，觀眾評分7.24分。

第十位：《廢家》主演申少由、申景善，觀眾評分7.2分。