掃呢頁CODE去手機

2015年8月5日 星期三

姦到喊 禁室被姦 逃脫 Janice Man街頭嚎哭 [FACE - 428] Janice Man,文詠珊,MF,



角色咁有發揮, JM坦言仍在適應階段,開工之後出現頭痛兼瞓得唔好,但有信心慢慢調節後,情況會變好。

真面目

姦到喊 禁室被姦 逃脫 Janice Man街頭嚎哭

阿 Sa蔡卓妍憑住《雛妓》破格演出,一句「我有畀你 X㗎!」成為熱話,仲升呢角逐金像影后,雖然最終未能成功封后,不過就贏盡口碑,導演邱禮濤功不可沒!

繼《雛妓》後,邱禮濤再度開拍新戲《兇手還未睡》,戲中同樣有裸露大膽情節,仲親自欽點 Janice Man文詠珊擔任女主角,其中一幕被許志安禁室培慾兼被強姦,好激㗎!角色心理起伏大上大落,精神梗係容易出事!首日開工嘅 JM已經搞到出現幻覺,仲喺街頭大喊添!不過得到導演力讚,攞定影后入場券








就算首日開工拍攝簡單場口, JM精神一樣出事,塊面仲扭埋一嚿仆低,完全唔顧靚女形象。

由「模 art」成功轉型做演員嘅 JM,先成立個人工作室同加盟太陽娛樂,影壇成績好,《那夜凌晨,我坐上了旺角開往大埔的紅 Van》素顏上陣,演技獲網民激讚,之後喺《赤道》飾演打女角色仲獲舒淇出 post大讚,今次仲獲邱禮濤導演欽點,梗係搏到盡

出現幻覺

成功轉型, JM拍戲拍到返強國,成為搶手貨,香港亦唔例外,導演邱禮濤仲親自欽點擔正新戲《兇手還未睡》女主角,除咗有裸露鏡頭外,精神同心理亦有好大挑戰。

問到角色, JM就話:「前所未有咁大膽!喺演戲、尺度同底線都係好大突破!(露後唔露前?)我接受唔到自己太過激,只係一個合適嘅性感!」突然間豁出去, JM坦言想挑戰自己:「劇本囉!覺得呢個人物非常好睇,一連串心情起伏,想喺𠵱家嘅事業有個挑戰!」

據知 JM除咗有全裸露背鏡頭,其中更有一場畀許志安禁室培慾嘅重頭戲, JM更會懷疑自己被強姦,對精神同心理好大考驗!首日開工 JM要拍攝一場逃亡戲,更在街頭出現幻覺,最後要大叫大喊,導演邱禮濤竟然一 take收貨! JM說︰「第一日開工,導演已經揀咗冇咁 heavy嘅戲份,但去到最尾鏡頭已經覺得好 heavy,因為已經去到一個精神失常嘅狀態,有好多幻覺,覺得有蟲咬!」邱禮濤亦對 JM表現有讚冇彈:「佢嘅底子好!基本嘢佢有晒!爭在點樣再突破!」

對於邱禮濤導演大讚演得好, JM就話:「多謝佢!都返咗國內一段時間,日日開工拍戲磨練番來,唔多唔少都有幫助!」

做男一乜都肯

雖然 JM同許志安首次合作拍戲,不過兩人已經好有默契,男一安仔要強姦 JM咁激都肯

余安安同 JM戲中飾演母女, JM可以多個機會向前輩偷師。

安仔轉投大陽娛樂返回 Paco旗下後,唔只專注音樂,仲撈埋電影,難怪新戲一樣搏到盡!

早前開咗紅館個唱,仲操出一排排朱古力肌,今次新戲可以大派用場。

密密接戲密密拍,有傳 JM執梁洛施二攤接拍《寒戰 2》,不過 JM就話唔介意,仲話好多時啲角色都會調換喎!

為應付新戲角色, JM早前特登去到希臘度假叉足電。網上圖片

JM同男友吳啟楠( Carl)感情發展穩定,問到有冇向男友備案,佢反而話:「我冇徵詢過任何人意見!」真唔真呀?網上圖片

剝完阿 Sa剝 JM

阿 Sa憑住邱禮濤執導嘅《雛妓》突破性演出,算係從影以來最大膽,仲升呢角逐影后,都咪話唔威!同樣, JM喺邱禮濤新戲亦願意有裸露演出,話唔埋會好似阿 Sa咁,有份角逐影后升呢

導演邱禮濤同編劇李敏親自欽點 JM擔正新戲,邱禮濤仲話只係傾過一次, JM已經應承演出。

阿 Sa喺《雛妓》破格演出,除咗半裸兼有爆粗場口外,一句「我有畀你×㗎!」引來廣大迴響,更帶挈角逐金像影后添!

鍾意就快D Share啦!