掃呢頁CODE去手機

2015年9月26日 星期六

Baby結婚引商機 鑽戒最平199人仔! Baby,Angelababy,



估唔到Baby啱啱騷完婚戒,轉頭淘寶就有貨啦,果然夠強。

next 1/1 pre

曉明與Baby婚期定於十月八日。

next 1/1 pre

佢哋嘅婚事亦都引發咗一大堆商機。

next 1/1 pre

婚戒1,999蚊人仔就有交易。

next 1/1 pre

張請柬28蚊人仔就有交易,不過就要最少一百張先至有交易。

next 1/1 pre

疑似請柬嘅設計者喺網上慨嘆設計咁樣就畀人盜用咗。

next 1/1 pre

呢個世界真係無奇不有,淘寶亦然!喺曉明同Baby嘅請柬曝光無幾耐之後,淘寶竟然出現翻版,售價盛惠28蚊人仔!不過最少要訂100張,即係至少要畀2,800人仔先有交易,貴唔貴就真係...不解釋

呢個時候,相信大家都會好奇怪,到底一張寫到明係「ah」嘅請柬,有咩實質作用呢?攞嚟自用?呢個世界又唔係咁多人嘅英文名係A字開頭,市場窄咗啲喎。大家唔會誤會,佢只係話你可以訂製同款嘅請柬,即係你個英文字想要MK又得,想要BM又得,隨你喜歡,不過咁樣明抄人哋個款去做喜帖,確實唔係好制得過咯。

不過呢個請柬嘅交投就認真慘淡,直到頭先凌晨兩點半,都依然一單交易紀錄都冇,睇嚟未係好有market。而疑似有份設計請柬嘅人,亦發現淘寶流出自己設計嘅翻版,即時喺社交網度留言:「我們的設計這樣被拿來賣了!版權版權。」到底佢哋會唔會追究呢?就要留待下回分解了。

Sorry,成件事仲未完,除咗請柬有得賣,原來連BABY晒過嘅戒指、戴過嘅皇冠、印有Baby嘜頭嘅水杯,甚至連Baby同曉明註冊地方出產嘅水果,都有得賣,真係好有創意!至於仿鑽戒嘅價錢,個range好闊,由199蚊人仔到1,999蚊人仔不等,而且望落啲相,仲要仿真度極高,真係買不買由你。不過都係嗰句,截至現時為止,戒指同請柬一樣,依然係零交易。翻版,的確唔應該支持,畀個叻大家!

「東網巨星」fb專頁:

每日Keep住推介最「精」最「趣」娛聞,只需數分鐘,即可化身娛樂通,茶餘飯後唔驚冇話題。想加入熱議最hit最爆娛聞行列?呢個專頁真係不Like不可。

http://www.facebook.com/onccstars

鍾意就快D Share啦!