掃呢頁CODE去手機

2015年9月26日 星期六

阿倫樓上美容 上下身齊齊凸… 阿倫,譚詠麟,





其他影片:>>






年年25歲嘅阿倫譚詠麟,今年可以享用香港人福利——65歲長者兩蚊乘車優惠。阿倫認老?no way。佢個仔曉風已經19歲,生得高大俊朗,同阿倫成個餅印咁,兩父子行出街,一樣可以媾死女(如果阿倫係膽生毛的話)。

阿倫唔識老,一來因為勤做運動(踢波),二來其實佢都好姿整貪靚,喺微博經常多角度自拍問fans最靚仔係邊張,可見一斑。做facial,真係可以令人回春。

今日下晝五點,見阿倫揸佢架四驅車,與女助手同行,去到銅鑼灣,直駛去利園商場一期泊好。

一落車,阿倫已經係咁整件衫,拉番正佢,執番靚仔先,然後同女助手上咗對面幢大廈14樓,亦是劉愷威代言嗰間男士美容中心樓層……唔,做facial補一補水清潔下肌膚底層角質,自然令你keep住young啦。

搞咗兩個鐘,阿倫單拖走人,嘩,叮一聲,真係成個人fresh晒咁喎!不過見佢去停車場取車時都左望右望,好驚有人見到咁。如果去做facial使乜咁神秘,除非唔係囉…

之不過,補充番一句,阿倫由離開停車場到走人,最搶眼唔係佢頭頂飛揚的亂髮,而係佢嗰個十足懷胎六月嘅巨肚,同條褲褲令人feel到嘅激…凸……

採訪、攝影:黃曉程、畢紹基、梁繼光 好似…係咪……有啲激凸…咁…
上半身好「厚」肉 就係呢層喇
離開時,係咪當堂fresh晒呢?
鍾意就快D Share啦!