掃呢頁CODE去手機

2015年9月9日 星期三

你真識食 鍾情大胸模 王宗堯獵食整容女神 [FACE - 433] 王宗堯,整容,女神,MF,



王宗堯同 Christy拍住拖掃家品,女方素顏短裙上陣,仲不時挑頭髮放生電。

真面目

你真識食 鍾情大胸模 王宗堯獵食整容女神

王宗堯前度個個都係導彈身材,上位後身邊索女更係車輪轉,最近同 Baby師妹陳詩雅戀情見光死,一班港女好似未絕望!

之不過週日( 6日),《 FACE》撞見王宗堯化身柴可夫司機包接送,孖住被高登仔勁唱整容索模的 Christy行街街,兩人又掃家品又買牛扒玩煮飯仔,拍拖拍足一個晏晝勁 sweet!

週日( 6日),《 FACE》撞見王宗堯一身輕便裝,揸住架凌志新車去到太古接未曝光新女友,相隔幾分鐘,短裙淡妝上陣嘅 Christy施施然坐係男神隔離。之後兩人駕車到灣仔,先掃家品再掃牛扒,一睇就知係熱戀中嘅情侶!

Christy有兩年模特兒經驗,身材亦有睇頭,仲不時網上開心「些牙」噴血三點式呃 like。網上圖片

王宗堯早前化身「王宗堯 Sir」出席頒獎禮,仲大唱改編歌〈胸追人〉,有板有眼㗎!《蘋果日報》圖片

女友整容?王宗堯︰睇落唔似

開心掃完貨,二人到附近一間餐廳醫肚,一坐低王宗堯已急急腳 order, Christy就反而咩都冇食,只係眼甘甘望實王宗堯!本刊事後打畀王宗堯,佢又例牌否認:「佢都幾好嘅!我都要睇吓嘅!(有意追佢?)認識當中!同佢係認識咗好耐嘅朋友!(有傳佢整過容?)睇落唔似!(接受整容?)我都想盡量自然囉!因為自己都冇動過手腳!」至於 Christy就明顯對王宗堯嗒晒糖,週一她在電話說:「我同王宗堯只係朋友!佢畀我印象係好 gentleman,好 nice同好親切嘅人!發展機會唔係冇,因為大家都係認識當中,了解當中,順其自然。(有傳你整過容?)我可以發誓真係冇整過容!因為我箍過牙,箍咗 3年,剝咗 4隻牙,所以變化好大!」

兩人拍住拖去買牛扒,揀塊靚肉返屋企煮飯仔,拍拖情侶必備節目

王宗堯同 Christy好有默契,揀完大堆家品,男方負責攞嘢,女方則負責埋單。

行到攰入咗一間餐廳醫肚, Christy唔使食嘢都一樣好飽肚,事關佢心心眼全程望實王宗堯。

Christy貼喺九巴上嘅廣告 poster被偷,仲令佢被封為「九巴女神」添!網上圖片

多得「九巴女神」帶挈,自稱係 Christy同學嘅網民貼出佢舊相喺 ig勁唱,不過 Christy就堅持冇整過,只係箍過牙喎。網上圖片

男神愛乳模

王宗堯唔只 chok得演得感情史亦好有睇頭,前度個個 model出身,而且個個有身材,睇嚟男神對逼爆身材有鋪癮喎!

拖 DaDa

王宗堯同 DaDa陳靜拍過拖,不過鑑於女方事業急升,二人最終分手收場。

溝 Carol

王宗堯同「浸大 E神」 Carol亦曾經係拖友,不過女方現今已經退出娛圈,轉行做文職工作。《蘋果日報》圖片

食𡃁模

王宗堯同 Baby師妹陳詩雅準備發展新戀情,當時仲被影當街攬錫女友,不過戀情最終見光死。圖片

採訪、撰文:娛樂組

攝影:娛樂突發組

鍾意就快D Share啦!