掃呢頁CODE去手機

2015年9月9日 星期三

東家唔打 派新咭片 樂易玲撬苟姑娘過邵氏 [FACE - 433] 苟姑娘,樂易玲,苟芸慧,MF,



苟芸慧不獲大台力捧,如今樂易玲喺邵氏揸旗,第一時間撬走苟姑娘。

真面目

東家唔打 派新咭片 樂易玲撬苟姑娘過邵氏

大台近年經常地震,小生花旦輪住走,一班幕後亦不斷執位,何麗全、戚其義等重臣一個不留,連樂易玲都冇得留低,要轉投舊老闆方逸華旗下的邵氏兄弟。

由大台製作資源部總監(藝員科)變邵氏執行董事及總經理,樂易玲首要任務係挖角。據知樂大媽打盡人情牌周圍搵舊部加盟,無奈內地製作公司愛用銀彈搶人,樂大媽講到牙血出都未有重量級藝人肯落實簽約。

大星請唔郁,惟有轉向小花埋手。下月約滿大台的苟芸慧,將過檔邵氏跟隨大媽搵食,而被余詠珊黨迫到冇位企的王君馨、李亞男等,好大機會齊齊走。邵氏處女黨,好快齊腳喇!

大台近年內部亂七八糟,自從余詠珊空降後用人唯親,愛將黃翠如可以一個星期出現六晚,洪永城、李嘉馨(前名李佳蕊)等又老是常出現,真係睇到厭㗎!

「余黨」強勢插旗,樂易玲變相被奪權,加上 6月時鬧出歐陽震華續約風波,最後要另一死對頭、戲劇製作總監曾勵珍出手擺平。

大台冇碇企,樂易玲惟有避走邵氏兄弟。以前樂大媽在大台呼風喚雨,生日 party例必群星拱照;不過今時唔同往日,剛過去的生日會只得黃宗澤及胡定欣比較大牌,胡杏兒、鄭嘉穎、鍾嘉欣等通通冇影!連一向愛蒲愛玩的佘詩曼、謝天華都唔出席,失權冇朋友好現實。

帶頭轉會

樂易玲同苟芸慧感情唔錯,早前親自去苟姑娘投資的餐廳捧場。

網上圖片

處女結集

苟姑娘(左一)的處女黨姊妹陸續約滿,極有機會一齊過檔邵氏。

網上圖片

胡杏兒(左二)約滿後唔再續約,決定改簽蕭定一旗下。

網上圖片

藝員部新人上場

當年的契仔契女個個養唔熟,樂大媽轉向新寵苟芸慧埋手。兩人不時被影到孖公仔周圍去,樂易玲親身到苟芸慧有份的點心店捧場,更面貼面自拍,關係相當密切。咁啱苟姑娘將於下月約滿大台, timing夾成咁,當然要出手搶人

據知樂易玲離開大台後,位置將由一名陳姓男子頂上,同時亦會躍升人稱「肥 Cin」的藝員經理人 Cindy接手藝員部。 Cindy旗下有鍾嘉欣、高海寧、黃翠如等皇牌,所謂雞死雞鳴,班姐仔又要鬥快埋位

佘詩曼(中)雖然同樂易玲(左二)交情唔深,但由於阿佘想喺電影界發展,邵氏又會繼續開戲,所以阿佘加盟機會亦大。《蘋果日報》圖片

方逸華一向對樂易玲非常照顧,即使樂易玲無法在大台立足,亦安排她到邵氏發展。

新官上任

經理 Cindy(左)將接替樂易玲管理藝員部,又一阿姐上位。

網上圖片

生日見地位

'12星光熠熠

12年樂易玲生日,林峯(右五)、胡杏兒(右二)、謝天華(左二)等畀面出席,當時有人話多星過台慶!

圖片

'15冷清賀壽

唔再係大台話事人,今年樂易玲生日會只得 Bosco仍肯參加。

撬得幾多得幾多!

樂大媽在大台藝員部話事多年,人脈一定儲落唔少,加上邵氏每年會開拍多套電影,要挖角其實唔係話冇可能!尤其一班大台又約滿又想改拍電影嘅姐仔,過檔邵氏未嘗不可喎!

佘詩曼

王君馨

李亞男

黃宗澤

吳卓羲

採訪、撰文、攝影:娛樂組

鍾意就快D Share啦!