考考你，洪卓立，同凍肉有咩關係？洪卓立近年暴脹成身都係肉，佢公司英皇話佢再唔減就雪藏佢，哎吔，咁咪即係會變凍肉囉？
洪卓立當然唔會由得自己變凍肉，所以佢近幾個星期瘋狂操肌，仲特登去搵大隻仔趙勁皓幫手，請咗個好有經驗嘅教練操佢。操咗幾個星期，據聞已經見到肌肉，仲話塊面尖番呀。
其實洪卓立突然暴脹都唔怪得佢，佢初初出道嗰陣，因為食幾多都唔吸收，望落仲孱過啲女仔，佢唔想俾人笑，就學人食增肥藥，點知淨係肥晒喺塊面度，都唔知係腫定肥，搞到公司要下令叫佢操番大隻啲。
好彩洪卓立本身係瘦底，要操番fit應該都唔難嘅。
