掃呢頁CODE去手機

2015年11月9日 星期一

徐天佑200萬婚禮娶老婆 爆喊口窒窒 天佑,徐天佑,



徐天佑200萬婚禮娶老婆 爆喊口窒窒



其他影片:>>






豪花200萬搞婚禮 徐天佑娶老婆爆喊口窒窒

現年32歲的男子組合Shine成員徐天佑,昨日跟拍拖八年的圈外女友兼舊同學Olive結婚,天佑豪花二百萬娶妻,直言拍拖時未有對太太講太多甜言蜜語,因為他相信做好過講,昨日終於給Olive名份。昨午行禮時,一對新人回憶拍拖時的點滴,不禁落淚,連天佑都口窒窒起來。

娛圈喜事停不了,男子組合Shine成員徐天佑昨日跟拍拖八年的圈外女友兼舊同學Olive共諧連理,一對新人昨早和晚上在尖沙嘴洲際酒店分別接新娘及擺酒,中午轉場到附近的半島酒店Felix舉行婚禮,天佑豪花約二百萬。



■天佑昨日小登科,與圈外女友Olive拍拖八年終成眷屬。

爆天佑校草

天佑與太太為中學同學,兩人畢業後,天佑加入娛圈,Olive負笈美國,八年前重遇拍拖,直至今年情人節,天佑以99朵玫瑰和鑽戒向女友求婚成功,他們早前到了意大利舉行訂婚儀式及到歐洲拍攝婚照。

昨午一對新人在Felix舉行婚禮註冊時,陳果和黃又南都往觀禮。Olive換上婚紗、天佑穿燕尾禮服,天佑口窒窒回顧與老婆八年的甜蜜拍拖路,他謂看着彼此成長:「我哋啱啱一齊,佢(Olive)有問我do you love me?啲嘢講係冇用,我一路好少答,做先緊要。」Olive就大爆當年中二校內邂逅天佑情景,大讚老公是校草,她說:「緣份令我喺美國讀書返嚟,我哋又一齊,唔係就咁愛咁簡單,而係大家要經營落去。」感動氣氛令天佑和Olive都不停流淚,兩人越喊越犀利,連見證的律師都要叫停儀式,他們宣誓後交換戒指兼咀嘴,正式結為夫妻。

天佑昨晚在洲際筵開36席宴請親朋,酒店的長樓梯佈置成森林,約傍晚6時,天佑拖着老婆下來接受訪問,Olive不小心踢到燭台,天佑即叫工作人員整理,一對新人應記者要求連咀三次。Olive影相後未有陪老公受訪,天佑興奮說:「越近越緊張,婚禮好多細節安排,難過搞演唱會,成個婚禮製作自己決定,太太負責審美,樓梯佈置係佢諗。」



■一對新人互講愛的宣言感觸落淚,到交換戒指時才定下神來。



■一對新人昨晚婚宴前應要求連咀三次,現場充滿甜蜜氣氛。



■天佑不設玩新郎環節,順利完成接新娘。

最好龍鳳胎

問到天佑豪花二百萬老婆本,他不肉赤並說:「使咗少少啦,不嬲有儲開錢,一生人一次大事,應使則使,冇乜贊助。」他表示求婚鑽戒有兩卡,Olive在婚宴還會戴上黃鑽耳環。至於婚後蜜月之旅,天佑指與Olive拍拖不時出埠玩,蜜月會跟友人一起到日本欣賞紅葉,順道造人?天佑說:「五年前我唔鍾意小朋友,今日見花女好得意,畀佢融化咗,𠵱家諗法唔同咗,老婆話生BB就睇我,想生一男一女,龍鳳胎就最好。」

天佑又謂估不到娶老婆會喊,他說:「見到外父好感觸,外父頂唔順,我又頂唔順,跟住到太太喊。」至於愛的宣言,天佑直言:「我好實際,承諾講十次做唔到都冇用,今日真係做到。我好少同老婆講愛你,行動為先。」他指婚禮會獻唱陳百強經典金曲《有了你》送給老婆。

採訪:盧妹

攝影:陳俊強

鍾意就快D Share啦!