掃呢頁CODE去手機

2015年11月9日 星期一

【激罕多圖】43歲吳綺莉回勇 谷胸晒強勁事業線 吳綺莉,



黎燕珊同吳綺莉今日喺荃灣齊齊以谷胸晚裝現身,出席佢哋主持嘅有線節目《往事‧並不如煙》(第二輯)記者會,吳綺莉為節目勁罕有咁晒4吋事業線,真係博晒命,同場仲有趙頌茹(Yu)同艾威,兩位喺節目分別演繹川島芳子同中國特務戴笠嘅愛情故事。

珊姐表示今次碌盡人情卡,邀請陳玉蓮、金燕玲等暢談愛情經歷,喺精華片段中,金燕玲指:「我冇諗過最後會同女人一齊。」陳玉蓮則會大談周潤發。

珊姐同吳綺莉透露喺節目入面,亦會分享自己嘅愛情觀同感情經歷,問到會唔會重提同成龍嘅一段情﹖吳綺莉話:「唔係重提同佢嘅感情,係我對感情嘅睇法、自己經歷同過去,今次亦好難得著咁多靚裙,大家識我咁耐都好少見我著成咁,拍呢個節目要著旗袍、婚紗,o依家又要著晚裝。」珊姐就表示喺第一輯已講晒自己愛情經歷。

至於有指Yu演繹川島芳子時爆喊﹖佢話:「唔係抽離唔到,我係由朝早化完妝就一直拍喊戲拍到傍晚六點,當中亦有發爛渣嘅激動位,好少可以拍到呢啲戲。」艾威透露同鍾慧冰囡囡有對手戲,當中一個四目交投嘅戲份,佢笑住話有觸電感覺,問佢要唔要同太太備案﹖艾威話:「唔使,又唔係電到入院。」

吳綺莉平時做節目樸素到唔樸素 (資料圖片) 今日佢同黎燕珊都谷胸上陣 強勁事業線
平時好難睇到,真係要望多兩眼
那些年吳綺莉係90年亞姐冠軍嚟o架。
艾威同阿Yu 那些年的吳綺莉 (資料圖片)
鍾意就快D Share啦!