今日網上流傳一段長約兩分半鐘的短片，可見一名推著BB手推車的婦人，在香港仔華貴邨巴士總站，因BB車未有摺合遭拒絕上車，婦人一度推著BB車行出行車路，擋在一輛107號線城巴車頭，阻著車輛離開，該輛城巴亦亮起右指示燈，相信正打算開車。有車上乘客疑感到不滿，一度落車與她理論，她一臉無奈地稱：「你話阿叔，我真係上唔到㗎，我唔係講笑㗎。」有圍觀者見狀，高聲喝道：「收唔到㗎BB車就唔好上啦。」該婦人聞言即反駁，並指著一名男子罵到：「你屋企冇小朋友㗎？你冇良心，冇人情……呢度香港嚟㗎！」對方於是建議她改搭的士，但她以沒錢為由，繼續站在車前。
此時，有5名受影響的乘客相繼落車，並圍著她指罵，最終將她「激」退。婦人始推著BB車往道路的另一邊，呻到：「香港仔啲人咁冇人情味！」事件引起網民熱議，一面倒批評婦人的行為危險，有網民指她可叫貨Van方便上落，又或買BB孭帶代替BB車。
根據資料，多間巴士公司均要求乘客上車前先將嬰兒車摺合，如否，車長有權不讓有關乘客登車。至於珀麗灣的邨巴則一度暫准可讓乘客不收嬰兒車(http://bit.ly/1R2VZFD)。
【網民點睇】
Alex Yiu：為上車都要搞到全車人攬炒。
Moon WU：轉坐輪椅抱BB囉，唔使摺都上到。
Kahip Ko：以佢嘅觀點係咪如果你屋企有小朋友嘅，有同情心，㗎BB車就可以摺得埋上到車？
King Fai：我記得有規則話要摺左部BB車先上得。
Icecheng Cheng：咪玩啦差唔多款都可以摺
想睇最新消息？ 即時follow【現場－蘋果突發】fb！http://fb.com/applecitycrime
|
鍾意就快D Share啦！
|
|
|