無綫演員荒問題持續，而家啲電視劇集主角配角嚟嚟去去都係嗰幾個，新嗰啲演員又未成氣候。其實好多人都好掛住無綫嘅「那些年」，「那些年」嘅精彩電視劇，「那些年」嘅好演員。
日前，有傳媒報導指無綫已向離巢已久嘅藝人求救，其中廖啟智、唐文龍及苑瓊丹已答應回巢拍劇。去年廖啟智為港視拍攝劇集《選戰》贏得一致好評，回巢後即擔正做男主角，喺12月即將開拍嘅《律政強人》中仲會同方中信首次合作，演技大鬥法，好期待啊！唐文龍亦喺訪問中表示其實無綫呢兩年一直都有搵佢幫手，可惜一直都夾唔啱期。好多網友都覺得佢外表型格，演技又唔差，仲話好想快啲睇到佢嘅演出喎！
廖啟智
唐文龍
