近排俾網民封為「人生贏家」嘅陳茵薇喺噚日出席活動嘅時候，承認佢又懷孕三個月，雖然而家個肚都仲未係好明顯，但係陳茵薇就已經好開心咁講「有三個已經夠晒數!」。不過喺娛樂圈除咗陳茵薇生產力驚人之外，仲有好多女明星都好有生養架！
徐子淇
身為「千億新抱」嘅徐子淇，傳宗接代當然係佢嘅天職佢今個月不負眾望又再宣布誕下麟兒，已經8年抱四，湊成咗兩個好字。搞到四叔要係九年內派咗6000萬利是，因為新抱懷孕，佢就連佢公司嘅1500名員工都派每人一萬蚊利是。如果我係徐子淇，我就會生夠一打益街坊。
徐淑敏
本來被人叫做咪神嘅徐淑敏（Suki）而家已經開始俾人叫佢做「媽媽咪」，因為佢由結婚到而家已經有三個女，但係有消息指其實佢一向都恨追仔，所以大家可以肯定佢遲啲一定會再有咗！
徐熙娣
同徐子淇一樣嫁入豪門嘅徐熙娣（小S），由2005年結婚開始到而家已經生咗3個女。唔知會唔會同徐淑敏一樣想追個仔呢？不過佢老公經常都惹官非，唔知又得唔得閒追呢？
蔣麗莎
46歲嘅陳浩民啱啱喺社交網上載咗張一家人慶祝生日嘅相，仲留言：「生日快樂順順利利健健康康快快樂樂…愛你。」原來係咁個月佢老婆蔣麗莎已經懷有第4胎，意思係陳浩民下年又會再做爸爸。佢哋2011年結婚後到而家已經有兩女一子，而家又再多一個仔，唔怪得網民都讚佢好生得。
|
鍾意就快D Share啦！
|
|
|
